Íslenski boltinn

„Meira getur maður ekki beðið um“

Runólfur Trausti Þórhallsson og Ágúst Orri Arnarson skrifa
Guðmundur Baldvin fagnar.
Guðmundur Baldvin fagnar. Vísir/Diego

Guðmundur Baldvin Nökkvason skoraði það sem reyndist sigurmark Stjörnunnar í 3-2 sigri liðsins á Val í 11. umferð Bestu deildar karla í knattspyrnu. Hann var eðlilega mjög sáttur með sigurinn og stigin þrjú.

„Við vorum komnir í 3-1 og áttum að klára þetta. Var komið smá stress í lokin eftir að þetta fimmta mark kom í leikinn, þá getur allt gerst. Gott að klára þetta, fá þrjú stig og byrja vel eftir landsleikjahlé,“ sagði Guðmundur Baldvin beint eftir leik.

„Við vorum vel undirbúnir, tókum góða æfingaviku og höfðum skoðað þá vel. Aðallega eitt í markspyrnum hjá þeim. Sérð að Örvar Eggertsson klikkar á dauðafæri í byrjun – hefði átt að gefa á mig. Þjálfarateymið var búið að vinna góða vinnu og lagði þetta vel upp. Sér að Valur gerði þetta ekki aftur,“ sagði hetja Stjörnunnar aðspurður hvað skóp sigurinn í kvöld.

„Er mjög sáttur. Gott að koma til baka eftir hlé, sækja þrjú stig og góð frammistaða. Meira getur maður ekki beðið um.“

Fótbolti Íslenski boltinn Besta deild karla Stjarnan

Mest lesið


Fleiri fréttir

Sjá meira


×

Mest lesið