Le­verku­sen vill varnar­mann Liver­pool

Það stefnir í að saga sumarsins verði eltingaleikur Liverpool og Wirtz sem stefnir í að verði dýrasti leikmaður í sögu ensku úrvalsdeildarinnar.

Leverkusen virðist þegar byrjað að skoða hvernig það ætli sér að eyða peningunum sem koma í kassann fyrir Wirtz og samkvæmt Sky Sports er hinn 22 ára gamli Quansah ofarlega á listanum.

Hann er miðvörður sem kom við sögu í 13 leikjum Liverpool í ensku úrvalsdeildinni á leiktíðinni. Þá á hann að baki 30 leiki fyrir yngri landslið Englands en á þó enn eftir að leika sinn fyrsta A-landsleik.

Leverkusen er í leit að miðverði eftir að Jonathan Tah, fyrirliði liðsins undanfarin tímabil, ákvað að söðla um og ganga í raðir Þýskalandsmeistara Bayern München.