Þriggja daga þjóðarsorg hefur verið lýst yfir í Austurríki og mínútuþögn verður um allt landið klukkan tíu að staðartíma í dag í minningu um fórnarlömb skotárásar í framhaldsskóla í borginni Graz í gær.
Sex konur og þrír karlmenn létust í skotárásinni og sjöunda konan af sárum sínum á sjúkrahúsi. Þá særðust tólf alvarlega.
Árásarmaðurinn – 21 árs karlmaður og fyrrverandi nemandi við skólann – svipti sig lífi á baðherbergi skólans að lokinni árásinni – þeirri mannskæðustu í sögu landsins.
Byssurnar tvær sem árásarmaðurinn notaði, skammbyssa og haglabyssa, voru löglega skráðar í hans eigu og hann var með skotvopnaleyfi.
Lögregla segir að tilefni árásarinnar sé enn á huldu.
Íslensk kona búsett í Graz segir borgina alla í áfalli eftir atburði dagsins en ellefu eru látnir og tugir særðir eftir skotárás á menntaskóla í borginni í morgun. Sjálf á hún tvö börn sem ganga í aðra menntaskóla í borginni. Hún segir árásina ýfa upp gömul sár en tíu ár eru síðan þrír létust í annarri árás í Graz.
Hið minnsta tíu eru látnir og fleiri særðir eftir skotárás í menntaskóla í Graz í Austurríki í morgun. Árásarmaðurinn er meðal látinna en lögregla segir að hann sé fyrrverandi nemandi við skólann.
