Liverpool hækkar til­boð sitt

Viðræður Liverpool og Bayer Leverkusen halda áfram og það styttist í að gengið verði frá kaupunum.

Liverpool bauð fyrst 109 milljónir punda í Wirtz en Leverkusen vildi fá 126 milljónir punda. Nýjast tilboð Liverpool er 113 milljón punda virði samkvæmt heimildum ESPN. Hundrað milljónir strax og svo þrettán milljónir í mögulegar bónusgreiðslur.

113 milljónir punda eru meira en nítján milljarðar íslenskra króna og yrði metupphæð.

Erlendir miðlar keppast við að segja frá því að stutt sé á milli hjá félögunum og að fátt komi nú í veg fyrir kaup Englandsmeistaranna.

Hin 23 ára gamli Wirtz vill sjálfur fara til Liverpool en hann þykir einn efnilegasti knattspyrnumaður Evrópu og er fastamaður í þýska landsliðinu.

Wirtz spilar á morgun með þýska landsliðinu í leiknum við Frakka um þriðja sætið í Þjóðadeildinni.

Stutti félagsskiptaglugginn lokar á þriðjudaginn en sumarglugginn er síðan opinn frá 16. júní til 1. september. Hvort félögin nái að klára þetta fyrir þriðjudag verður að koma í ljós en þá er stutt í að hann opni aftur.