Segir nýja Brassann hjá Chelsea geta orðið eins góður og Lamine Yamal

Hér erum við að tala um Willian og hann er að tala lofsamlega um táninginn Estêvão í viðtali við ESPN í Brasilíu.

Það langt síðan að Chelsea keypti Estêvão frá brasilíska félaginu Palmeiras en táningurinn mátti ekki koma til Englands fyrr en hann væri orðinn átján ára.

„Það er engin spurning að hann hefur mikla hæfileika. Hann er þegar kominn með forskot með að hafa alla þessa tækni svo ungur að árum. Hann hefur svipaðar framavonir og Lamine Yamal, enda mjög líkir leikmenn,“ sagði Willian.

„Ég vona að það gangi vel hjá honum hér á Englandi að spila fyrir Chelsea. Hann getur unnið marga titla og skoraði mörg mörk í búningi Chelsea. Hann ætti að getað hjálpað félaginu að vinna marga titla á næstu árum,“ sagði Willian.

Chelsea borgaði 34 milljónir evra fyrir strákinn síðasta sumar en í kaupsamningnum eru líkar stórir árangurtengdir bónusar og kaupverðið gæti endað í kringum 67 milljónir evra.

Estêvão verður formlega leikmaður Chelsea eftir heimsmeistarakeppni félagsliða. Hann hefur spilað 43 leiki í efstu deild í Brasilíu og er með þrettán mörk og tólf stoðsendingar i þeim.

„Mitt ráð til hans er að hann gefi sig allan í þetta. Enski boltinn er allt öðruvísi fótbolti en hann er vanur. Þegar hann kemur hingað þá þarf hann að leggja á sig aukalega til að koma sér inn í hlutina að fullu,“ sagði Willian.

„Ég er viss um að hann hafi góðan haus í þetta. Það er enginn að efast um hæfileika hans og þeir eru alveg nógu miklir til að spila með stórliði eins og Chelsea. Vonandi tekst honum að aðlagast sem fyrst og koma sér inn í leikstílinn í ensku deildinni,“ sagði Willian.