Viðskipti innlent

„Klár­lega“ breytingar í ytra um­hverfi sem ÁTVR þurfi að laga sig að

Sólrún Dögg Jósefsdóttir skrifar
Þorgerður Kristín Þráinsdóttir er fyrsta konan til að gegna starfinu.
Þorgerður Kristín Þráinsdóttir er fyrsta konan til að gegna starfinu. Vísir/Vilhelm

Nýráðinn forstjóri ÁTVR er fyrsta konan til að gegna stöðunni í meira en hundrað ára sögu stofnunarinnar. Hún segist spennt að kynnast starfseminni og segir ytra umhverfi í áfengis- og tóbakssölu á Íslandi klárlega breytt. 

„Ég er bara spennt fyrir þessu verkefni, fá að kynnast ÁTVR og starfsfólkinu sem þar vinnur og kynna mér starfsemina,“ segir Þorgerður Kristín Þráinsdóttir, sem tekur til starfa sem forstjóri ÁTVR í haust. 

Reynslunni ríkari

Saga ÁTVR nær aftur til ársins 1922, þegar Áfengisverzlun ríkisins, ÁVR, var stofnuð. Hún sameinaðist Tóbakseinkasölu ríkisins árið 1961. Frá stofnun hafa einungis karlar gegnt embættinu þar til nú.

„Þannig að ég er stolt af því að vera treyst fyrir þessu verkefni. Ekki af því að ég er kona heldur vegna þess að ég er hæf í starfið,“ segir Þorgerður

Þorgerður segir mörg spennandi verkefni fram undan hjá stofnuninni. 

„Það eru klárlega breytingar í ytra umhverfi sem ÁTVR þarf að laga sig að. Það er eitthvað sem ég mun skoða þegar ég byrja,“ segir Þorgerður. 

„Ég hef mikla reynslu af smásölu og er búin að vera í smásölu í 25 ár. Þannig að ég þekki það umhverfi mjög vel. Og er komin með þekkingu og reynslu sem getur nýst.“


Tengdar fréttir

Þorgerður skipuð forstjóri ÁTVR

Þorgerður Kristín Þráinsdóttir hefur verið skipuð forstjóri ÁTVR. Þorgerður var valin úr hópi nítján umsækjenda. 

Þau vilja stýra ÁTVR

Nítján sóttu um lausa stöðu forstjóra Áfengis- og tóbaksverslunar ríkisins. Athygli vekur að aðstoðarforstjórinn og helsti talsmaður stofnunarinnar um árabil er ekki á meðal umsækjenda.






Fleiri fréttir

Sjá meira


×