Mátti eigin­lega ekki hósta því þá myndi hann kremja hann

Við tóku miklar björgunaraðgerðir og var áhöfn skipsins komið í land með aðstoð þyrlu Landhelgisgæslunnar.

Þyrla varnarliðsins mætti einnig á strandstað til þess að ferja toglínu út í norskan dráttarbát sem freistaði þess að koma skipinu á flot. Það var ekki hættulaust að festa línuna neðan í þyrluna því það þurfti að festa hana með höndunum og vera á milli rúllunnar með línunni og þyrlunnar.

„Þyrluflugmaðurinn má eiginlega ekki hósta því þá myndi hann kremja hann þarna undir“ Þannig lýsir RAX aðstæðum en hann fór nokkrar ferðir til að mynda björgunina. Hafa þurfti hraðar hendur við björgun skipsins því að sandurinn á suðurströnd Íslands hefur gleypt fjölmörg skip sem hafa strandað á honum í gegnum tíðina.

Söguna af björgunarafrekinu má sjá í spilaranum hér að neðan.

Leitin að gullskipinu

Skip sem innihélt mikið magn verðmætra málma og gimsteina fórst við Skeiðarársand á 17. öld. Í gegnum tíðina hefur RAX fylgst með tilraunum til þess að finna þetta skip í sandinum.

Víkartindur strandar

Árið 1997 strandaði flutningaskipið Víkartindur austan við Þjórsá. Skipið fór á hliðina og farmur skipsins var á víð og dreif um ströndina.

Hafrún strandar

Í mars árið 1983 strandaði skipið Hafrún við Stigahlíð á Vestfjörðum. RAX fékk að fara með Landhelgisgæslunni að bjarga skipverjunum en hann fékk að sitja í franskri Puma þyrlu sem verið var að kynna fyrir gæslumönnum.

Þrjú skipsströnd

Snemma árs 1981 strönduðu þrjú skip við strendur Íslands, Katrín VE, Sigurbára, og Heimaey. RAX flaug og myndaði ströndin og björgun áhafnanna í svo slæmum veðrum að stundum óttuðust vinir og vandamenn um afdrif hans og förunauta hans.