Segir Bjarna Benediktssyni að stinga tappa upp í „tengdasoninn“ Kjartan Kjartansson skrifar 2. júní 2025 09:51 Brynjar Barkarson (t.v.) er kærasti dóttur Bjarna Benediktssonar, fyrrverandi forsætisráðherra, (t.h.). Hann hefur undanfarið vakið athygli á sér fyrir andúð á innflytjendum og hælisleitendum. Vísir Dóttir fyrrverandi þingkonu Samfylkingarinnar segir „tengdason“ Bjarna Benediktssonar, fyrrverandi forsætisráðherra, sverta ímynd fjölskyldu hans með rangfærslum um móður hennar. Kærasti dóttur Bjarna var ræðumaður á mótmælafundi andstæðinga hælisleitenda um helgina. Snærós Sindradóttir, fyrrverandi fjölmiðlakona og dóttir Helgu Völu Helgadóttur, fyrrverandi þingkonu, vekur athygli á ummælum Brynjars Barkarsonar, tónlistarmanns, um móður hennar í færslu á Facebook í gær. Tilefnið virðist vera að Brynjar var á meðal ræðumanna á mótmælafundi gegn „opnum landamærum“ á Austurvelli á laugardag. Ummæli Brynjars sem Snærós vekur athygli á ganga út á að Helga Vala hafi „stórgrætt á hælisiðnaðinum“ í gegnum lögfræðistofu sína og að féð kæmi úr ríkissjóði. Þessu lýsir Snærós sem einni þrálátustu lyginni sem velli upp úr „rasistum landsins“. „Við Bjarna Benediktsson vil ég segja: settu tapp í tengasoninn. Hann er að sverta ímynd fjölskyldu þinnar og verða ykkur til stórfelldrar skammar,“ skrifar Snærós en Brynjar er kærasti Helgu Þóru Bjarnadóttur, dóttur fyrrverandi formanns Sjálfstæðisflokksins. Færsla Brynjars Barkarsonar um Helgu Völu Helgadóttur.Facebook Meira en áratugur síðan hún tók að sér talsmannsverkefni Snærós rekur hvernig Helga Vala tók að sér lögmannsstörf fyrir hælisleitendur frá Sýrlandi fyrir meira en áratug líkt og tugir annarra lögmanna gerðu samkvæmt því kerfi sem þá var við lýði. Þegar þáverandi ríkisstjórn Sigmundar Davíðs Gunnlaugssonar og Bjarna Benediktssonar færðu alla þjónustu við hælisleitendur til Rauða krossins hafi þessum verkefnum Helgu Völu lokið. Engu að síður haldi fólk sem „hati útlendinga“ og trúi að bólusetningar séu „massastjórnunartæki stjórnvalda“ áfram að berja á Helgu Völu með ósannindum um að hún hafi beinan fjárhagslegan hag af því að hælisleitendur komi til Íslands. Helga Vala Helgadóttir, lögmaður og fyrrverandi þingkona.Vísir/Bjarni Gagnrýnir Snærós jafnframt vini Helgu Völu og fyrrverandi bandamenn í pólítik sem viti betur fyrir að hafa aldrei tekið upp hanskann fyrir hana þegar farið sé með þessi ósannindi um hana. Helga Vala sjálf lýsir þessum störfum sínum á sama hátt í eigin færslu á Facebook. Bætir hún við að eftir að Jón Gunnarsson, þáverandi dómsmálaráðherra, rifti samningi við Rauða krossinn og fól lögmönnum aftur að taka við þjónustu við hælisleitendur hafi hún ekki tekið að sér eitt einasta slíkt verkefni. „Svona er hluti starfa lögmanns í þágu borgaranna, og ánægjulegt að fá að leiðrétta enn einu sinni síendurtekin ósannindi sem verða ekki sönn þótt tifað sé á þeim í á annan áratug,“ skrifar Helga Vala. Ekki hægt að skálda þessa vitleysu Brynjar, sem einhver þekkja sem tónlistarmann úr hljómsveitinni Club Dub, hefur vakið athygli fyrir kynþáttahyggju á samfélagsmiðlum undanfarin misseri. Hann hefur lýst innflytjendum sem eru íslamstrúar sem „blóðsugum“ sem séu komnar til Íslands til þess að „sjúga kerfið þurrt, nauðga og rífa kjaft“ að því er kom fram í frétt DV fyrr í þessum mánuði. Snærós Sindradóttir segist ekki hafa tjáð sig um rangfærslur um móður sína vegna fyrri starfa sinna. Hún starfaði á Ríkisútvarpinu og áður á Fréttablaðinu.RÚV/Ragnar Visage Eiríkur Rögnvaldsson, heiðursprófessor í íslensku, henti gaman að Brynjari í sinni eigin Facebook-færslu í gær án þess þó að nefna hann á nafn. Brynjar flytur ræðu sína í Manchester United bol merktur Bjarnadóttur, kærustu sinni, á Austurvelli á laugardag.Vísir/Viktor Freyr „Ungur tónlistarmaður í hljómsveitinni ClubDub sem m.a. hefur gefið út lögin „Clubbed up“, „Litli homie“, „Fresh Alla Daga“, „Booty“ og „Bad Bitch í Reykjavík“ lýsir sérstökum áhyggjum af áhrifum útlendinga á íslenska tungu og menningu. Eins og hann myndi örugglega orða þetta: You can‘t make this shit up,“ skrifar Eiríkur en lokaorðin mætti þýða „það er ekki hægt að skálda þessa vitleysu“. Fréttin hefur verið uppfærð. Upphaflega stóð í henni að Facebook-færsla Brynjars um Helgu Völu væri gömul en það rétt er að hún var sett inn nú um helgina. Flóttamenn Flóttafólk á Íslandi Mest lesið Málinu lokið með sátt: „Við erum mjög sáttar með niðurstöðuna“ Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Leigubílstjórar ósáttir við lokun skúrsins: „Aumingjaskapur í þeim“ Innlent Segir nafn Trumps vera í Epstein-skjölunum Erlent Biðjast afsökunar á ummælum björgunarmanns Innlent Ferðamaður ók húsbíl niður göngustíg Innlent Braust inn hjá vinsælum hársnyrti og hafði af honum vegabréfið Innlent Trump segist „mjög vonsvikinn“ út í Elon og ekki viss um að þeir geti átt gott samband Erlent Strætó dældi milljónum í öryggisgæslu í Mjódd Innlent Fleiri fréttir Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Álverið vildi ekki þurfa að vakta Norðurá og firðina Bein útsending: HÍ og heimsmarkmiðin – Hagvöxtur og hagsæld á tímum umbreytinga Strætó dældi milljónum í öryggisgæslu í Mjódd Banna lagningu bíla í beygjum í Álakvísl Með hvalssporð um hálsinn við þingfestingu Sári djúpt snortinn yfir stuðningi Sjá meira
Snærós Sindradóttir, fyrrverandi fjölmiðlakona og dóttir Helgu Völu Helgadóttur, fyrrverandi þingkonu, vekur athygli á ummælum Brynjars Barkarsonar, tónlistarmanns, um móður hennar í færslu á Facebook í gær. Tilefnið virðist vera að Brynjar var á meðal ræðumanna á mótmælafundi gegn „opnum landamærum“ á Austurvelli á laugardag. Ummæli Brynjars sem Snærós vekur athygli á ganga út á að Helga Vala hafi „stórgrætt á hælisiðnaðinum“ í gegnum lögfræðistofu sína og að féð kæmi úr ríkissjóði. Þessu lýsir Snærós sem einni þrálátustu lyginni sem velli upp úr „rasistum landsins“. „Við Bjarna Benediktsson vil ég segja: settu tapp í tengasoninn. Hann er að sverta ímynd fjölskyldu þinnar og verða ykkur til stórfelldrar skammar,“ skrifar Snærós en Brynjar er kærasti Helgu Þóru Bjarnadóttur, dóttur fyrrverandi formanns Sjálfstæðisflokksins. Færsla Brynjars Barkarsonar um Helgu Völu Helgadóttur.Facebook Meira en áratugur síðan hún tók að sér talsmannsverkefni Snærós rekur hvernig Helga Vala tók að sér lögmannsstörf fyrir hælisleitendur frá Sýrlandi fyrir meira en áratug líkt og tugir annarra lögmanna gerðu samkvæmt því kerfi sem þá var við lýði. Þegar þáverandi ríkisstjórn Sigmundar Davíðs Gunnlaugssonar og Bjarna Benediktssonar færðu alla þjónustu við hælisleitendur til Rauða krossins hafi þessum verkefnum Helgu Völu lokið. Engu að síður haldi fólk sem „hati útlendinga“ og trúi að bólusetningar séu „massastjórnunartæki stjórnvalda“ áfram að berja á Helgu Völu með ósannindum um að hún hafi beinan fjárhagslegan hag af því að hælisleitendur komi til Íslands. Helga Vala Helgadóttir, lögmaður og fyrrverandi þingkona.Vísir/Bjarni Gagnrýnir Snærós jafnframt vini Helgu Völu og fyrrverandi bandamenn í pólítik sem viti betur fyrir að hafa aldrei tekið upp hanskann fyrir hana þegar farið sé með þessi ósannindi um hana. Helga Vala sjálf lýsir þessum störfum sínum á sama hátt í eigin færslu á Facebook. Bætir hún við að eftir að Jón Gunnarsson, þáverandi dómsmálaráðherra, rifti samningi við Rauða krossinn og fól lögmönnum aftur að taka við þjónustu við hælisleitendur hafi hún ekki tekið að sér eitt einasta slíkt verkefni. „Svona er hluti starfa lögmanns í þágu borgaranna, og ánægjulegt að fá að leiðrétta enn einu sinni síendurtekin ósannindi sem verða ekki sönn þótt tifað sé á þeim í á annan áratug,“ skrifar Helga Vala. Ekki hægt að skálda þessa vitleysu Brynjar, sem einhver þekkja sem tónlistarmann úr hljómsveitinni Club Dub, hefur vakið athygli fyrir kynþáttahyggju á samfélagsmiðlum undanfarin misseri. Hann hefur lýst innflytjendum sem eru íslamstrúar sem „blóðsugum“ sem séu komnar til Íslands til þess að „sjúga kerfið þurrt, nauðga og rífa kjaft“ að því er kom fram í frétt DV fyrr í þessum mánuði. Snærós Sindradóttir segist ekki hafa tjáð sig um rangfærslur um móður sína vegna fyrri starfa sinna. Hún starfaði á Ríkisútvarpinu og áður á Fréttablaðinu.RÚV/Ragnar Visage Eiríkur Rögnvaldsson, heiðursprófessor í íslensku, henti gaman að Brynjari í sinni eigin Facebook-færslu í gær án þess þó að nefna hann á nafn. Brynjar flytur ræðu sína í Manchester United bol merktur Bjarnadóttur, kærustu sinni, á Austurvelli á laugardag.Vísir/Viktor Freyr „Ungur tónlistarmaður í hljómsveitinni ClubDub sem m.a. hefur gefið út lögin „Clubbed up“, „Litli homie“, „Fresh Alla Daga“, „Booty“ og „Bad Bitch í Reykjavík“ lýsir sérstökum áhyggjum af áhrifum útlendinga á íslenska tungu og menningu. Eins og hann myndi örugglega orða þetta: You can‘t make this shit up,“ skrifar Eiríkur en lokaorðin mætti þýða „það er ekki hægt að skálda þessa vitleysu“. Fréttin hefur verið uppfærð. Upphaflega stóð í henni að Facebook-færsla Brynjars um Helgu Völu væri gömul en það rétt er að hún var sett inn nú um helgina.
Flóttamenn Flóttafólk á Íslandi Mest lesið Málinu lokið með sátt: „Við erum mjög sáttar með niðurstöðuna“ Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Leigubílstjórar ósáttir við lokun skúrsins: „Aumingjaskapur í þeim“ Innlent Segir nafn Trumps vera í Epstein-skjölunum Erlent Biðjast afsökunar á ummælum björgunarmanns Innlent Ferðamaður ók húsbíl niður göngustíg Innlent Braust inn hjá vinsælum hársnyrti og hafði af honum vegabréfið Innlent Trump segist „mjög vonsvikinn“ út í Elon og ekki viss um að þeir geti átt gott samband Erlent Strætó dældi milljónum í öryggisgæslu í Mjódd Innlent Fleiri fréttir Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Álverið vildi ekki þurfa að vakta Norðurá og firðina Bein útsending: HÍ og heimsmarkmiðin – Hagvöxtur og hagsæld á tímum umbreytinga Strætó dældi milljónum í öryggisgæslu í Mjódd Banna lagningu bíla í beygjum í Álakvísl Með hvalssporð um hálsinn við þingfestingu Sári djúpt snortinn yfir stuðningi Sjá meira