Innlent

Hefja söfnun fyrir fjöl­skyldu Víg­lundar

Jón Ísak Ragnarsson skrifar
Víglundur Þorsteinsson lést af slysförum 28. maí síðastliðinn.
Víglundur Þorsteinsson lést af slysförum 28. maí síðastliðinn. Facebook

Aðstandendur Víglundar Þorsteinssonar, tíu ára drengs sem lést í slysi á bænum Haukholtum í Hrunamannahreppi, hafa sett af stað söfnun til stuðnings fjölskyldu hans. Kvenfélag Hrunamannahrepps heldur utan um söfnunina.

„Við viljum leggja okkar af mörkum til að foreldrarnir geti fengið svigrúm til að syrgja og hlúa að hvort öðru og þremur öðrum börnum sínum. Því hefur verið hafin söfnun til að styðja við fjölskylduna á þessum erfiðu tímum,“ segir í tilkynningu Kvenfélagsins.

Auður Styrkársdóttir, langamma Víglundar, minnist hans í færslu á Facebook.

„Sá harmur er að okkur kveðinn að elskulegur sonardóttursonur, Víglundur Þorsteinsson, lést af slysförum þann 28. maí síðastliðinn, rétt tíu ára gamall.“

„Hann var dáðadrengur hinn mesti, hjálparhellan besta, ljúflingur sinnar ættar, ljómi sinnar sveitar. Hinn mætasti þjóðfélagsþegn. Minningin lifir. Við þökkum hverja stund,“ segir hún.

Upplýsingar um styrktarreikninginn á vegum kvenfélagsins eru eftirfarandi:

Kennitala: 700169-7239

Reikningsnúmer: 0325-22-001401

Hrunamannahreppur

Tengdar fréttir

Barn fórst í Hvítá í gær

Banaslys varð í Hvítá í Hrunamannahreppi í gær þegar dráttarvél rann fram af háum bakka og hafnaði ofan í ánni. Ökumaðurinn var tíu ára gamall drengur og var hann úrskurðaður látinn á vettvangi.

Mest lesið


Fleiri fréttir

Sjá meira


×

Mest lesið