Ibrahima Balde hóf leikinn af krafti fyrir gestina en eftir aðeins tvær mínútur kom hann boltanum í netið. Þegar stundarfjórðungur var liðinn hafði hann tvöfaldað forystu Þórs og Ingimar Arnar Kristjánsson gerði í raun út um leikinn á 38. mínútu.
Aron Lucas Vokes minnkaði muninn á 43. mínútu, staðan 1-3 í hálfleik. Einar Freyr Halldórsson bætti við fjórða marki gestanna á 54. mínútu og staðan orðin 1-4. Reyndust það lokatölur og Þór Akureyri komið áfram.
