Fótbolti

Brann úr leik í bikarnum eftir dramatík

Óskar Ófeigur Jónsson skrifar
Sigurganga læisveina Freys Alexanderssonar i Brann endaði í Bryne í kvöld.
Sigurganga læisveina Freys Alexanderssonar i Brann endaði í Bryne í kvöld. @sportsklubbenbrann

Annað árið í röð var bikarævintýri norska fótboltaliðsns Brann með stysta móti en liðið féll út úr 32 liða úrslitunum í kvöld.

Freyr Alexandersson er með Brann á toppnum í norsku deildinni eftir fimm deildarsigri í röð en þeir féllu út í framlengingu í kvöld.

Freyr er á fyrsta ári með liðið en Brann datt líka út í 32 liða úrslitunum í fyrra.

Brann tapaði í kvöld 2-1 á útivelli á móto Bryne en sigurmarkið kom tveimur mínútum fyrir lok framlengingarinnar þegar það stefndi í vítakeppni.

Hetja Bryne var Axel Kryger sem skoraði þetta dramatíska sigurmark á síðustu stundu.

Bryna er í næstsíðasta sæti í norsku deildinni og þetta eru því mjög óvænt úrslit.

Jacob Haahr Steffensen kom Bryne í 1-0 en Bård Finne tryggði Brann framlengingu þegar hann jafnaði metin á 85. mínútu.




Fleiri fréttir

Sjá meira


×