Obi er í byrjunarliði United sem sækir Brentford heim í leik sem hófst klukkan 13:00.
Obi er fæddur 29. nóvember 2007 og er því sautján ára og 156 daga gamall í dag. Aldrei hefur United teflt fram yngri leikmanni í byrjunarliði í ensku úrvalsdeildinni.
17 - Aged 17 years 156 days, Chido Obi is the youngest player ever to start a Premier League match for Manchester United. Padawan. pic.twitter.com/KmHGgv86gw
— OptaJoe (@OptaJoe) May 4, 2025
Ruben Amorim, knattspyrnustjóri United, gerði margar breytingar á byrjunarliðinu frá leiknum gegn Athletic Bilbao í undanúrslitum Evrópudeildarinnar á fimmtudaginn. Rauðu djöflarnir unnu þann leik, 0-3, og eru því í góðri stöðu fyrir seinni leikinn á Old Trafford næsta fimmtudag.
Meðalaldur byrjunarliðs United í dag er 22 ár og 270 dagar. Þetta er þriðja yngsta byrjunarlið í sögu ensku úrvalsdeildarinnar.
22 - With an average age of 22 years & 270 days, Manchester United's starting XI vs. Brentford is the third-youngest any side has ever named for a Premier League match, behind Middlesbrough v Fulham in May 2006 (20y 181d) & Arsenal v Portsmouth in May 2009 (22y 237d). Fledgling. pic.twitter.com/Q6IsEQ1i3e
— OptaJoe (@OptaJoe) May 4, 2025
Obi er að spila sinn sjöunda leik fyrir United á tímabilinu. Hann á enn eftir að skora fyrir aðalliðið en hefur skorað grimmt fyrir yngri lið United.