Páskaeggjaframleiðandi fagnar gagnrýni á málshætti Jakob Bjarnar skrifar 22. apríl 2025 15:43 Pétur Thor hjá Freyju segir að hann gangi í banka, sem var til löngu fyrir hans daga hjá sælgætisgerðinni, og þaðan tekur hann málshættina og prenti til að setja í páskaeggin. vísir/Anton Brink Pétur Thor Gunnarsson framkvæmdastjóri sælgætisgerðarinnar Freyju telur málsháttinn sem þingmaðurinn Snorri Másson fetti fingur út í bara býsna fínan. Að sögn Péturs Thors, framkvæmdastjóra sælgætisgerðarinnar Freyju, skipta málshættirnir sem finna má í páskaeggjum, fólk gríðarlega miklu máli. Hann gefur ekki mikið fyrir aðfinnslu Snorra Másson sem birti mynd af málshætti sem hann fékk í smáeggi og sagði við það tækifæri: „Áfram heldur hin mjög svo niðurdrepandi gengisfelling málsháttarins.“ Málshátturinn sem Snorri fékk var svohljóðandi: „Ókurteisi er lítilla manna eftirlíking af styrk.“ Miðinn sem Snorri telur til marks um þá úrkynjun sem málshættirnir mega nú sæta. „Já! Gengisfelling málsháttarins, eina og sanna,“ spyr Pétur Thor. „Spurning hvort maður verði bara með einn málshátt. Upphaflega málsháttinn?“ Tilgangur málshátta er samtalið Pétur Thor segir þetta nákvæmlega tilgang málshátta og hefur gaman að því að Snorri skuli henda þessu út. Það skapi umræðu. Pétur segir ókurteisi vera nokkuð sem fer fyrir brjóstið á sér og sú sé ástæðan fyrir því að þessi fékk að halda sér á sínum tíma, þegar hann tók til í bankanum. En það gerir hann reglulega. „Þetta er stór banki málshátta sem við eigum og er partur lista sem við látum prenta á hverju ári. Þessi listi málshátta var til kominn fyrir minn tíma. En ég notast við hann ár eftir ár. Fór ekki yfir hann á þessu ári en hef gert það reglulega á mínum tíu árum hér og pikkað út málshætti. Pétur Thor með fullar lúkur af málsháttum en öll litlu eggin eru einnig með málshætti og það þarf því að prenta út reiðinnar býsn af málsháttum því ekkert er páskaeggið nema málsháttur sé þar í.vísir/Anton Brink Það voru alveg nokkrir málshættir sem eru neikvæðari en maður hefði viljað í svona páskaeggjum. Þeir henta ekki samfélaginu eins og það hefur þróast. Það sem þótti í lagi að segja fyrir tíu árum þykir það ekki núna,“ segir Pétur. Pétur segir bankann sem Freyjumenn búa að upphaflega hafi verið kjarngóðir gamlir íslenskir málshættir. Svo hafi bæst við tilvitnanir í einhverja þekkta og nafngreinda einstaklinga og þá er sá tilgreindur. Þetta séu svona heilræði. „Ég skil vel að ég hafi látið þennan verða eftir, ókurteisi er það sem fer mest í taugarnar á mér.“ Pétur segir að menn verði að ímynda sér að barn fái málsháttinn í sitt egg og þá sé rétt að taka umræðuna, ef eitthvað fari á milli mála. „Við eigum ekki að vera ókurteis. Hvað er málsháttur og hvað ekki? Þetta þarf ekki allt að vera um bændur og búalið, eins og þetta gekk mikið út á á sínum tíma. Er ekki í lagi að þetta þróist?“ Málshættirnir skipta fólk gríðarlega miklu máli Pétur segir fólk hafa mikinn áhuga á þessu og hann hefur gaman að því að henda einhverju svona út. „Það er bara gaman að þessu. Það er í lagi að Snorri sé ósáttur. Maður þarf ekki að vera glaður með allt.“ Pétur segir þessa hefð aldagamla. Og hafi byrjað á því að menn voru að stinga málsháttum eða einhverjum athugasemdum í hænuegg. Pétur segir hefðina upphaflega orðið til í Evrópu en þá voru málshættir; heilræði og ástarjátningar, settir í hænuegg sem búið var að blása úr og svo var málað yfir.vísir/anton brink „Innihaldið var blásið úr þeim, fyrst voru þau skreytt og svo voru gerð lítil göt á eggin. Þetta þróaðist í Evrópu: Skilaboð, ástarjátningar, heilræði … og svo málað yfir eggið.“ Pétur viðurkennir fúslega að hann hafi ekki verið mikið í að bæta við þennan banka. En tíðarandinn breytist og málshættirnir með. Hann segir að ef farist fyrir að málshættirnir endi í eggjunum þá sé fólk fljótt að kvarta. Og það komi þá bara við í Freyju, fái eitthvað gott og málshátt í sárabætur. „Já, þetta skiptir fólk gríðarlega miklu máli.“ Málshættir eru hluti af tungumálinu Snorri, sem hefur verið sá þingmaður sem lætur sig opinberlega helst íslenskt mál skipta, telur engan ágreining felast í því hvað málshættir eru og þeir séu órjúfanlegur þáttur íslenskunnar. „Þetta eru setningar og frasar sem festast í sessi og eru að einhverju leyti trénuð sannindi í kjörnuðum frösum. Það sem ég er að gera athugasemd við, og ég er ekkert einn um að sjá þetta, við erum að tala um hræódýrar þýðingar úr ensku. Menn hafa verið að nefna að þarna komi gervigreind að. Ég er ekkert endilega á því. Menn hafa verið að éta þetta upp af einhverjum söfnum, þýða úr tilvitnunarsöfnum úr ensku eitthvað sem fyrirfinnst á netinu – éta upp allt mögulegt. Málshættir eru bara hluti af tungumálinu, menningararfinum og það ber að nálgast af ákveðinni virðingu,“ segir Snorri. Snorri gefur ekkert eftir í stóra málsháttamálinu, segir að menn hljóti að verða að virða málshættina og það sé þá hægt að fá einhverja til að mynda frá Árnastofnun til að vera mönnum innan handar við að velja í eggin þar sem hæfir.vísir/vilhelm Hann segir að það séu alveg til söfn af góðum og gildum málsháttum og það megi alveg fela þeim sem er til þess bær að meta hvað flokkast undir málshætti. „Ef ég er spurður er ég ánægður með að menn fái málshætti í eggjum sínum. En það er ekki hægt að bjóða fólki upp á eitthvað rusl. Er ekki oft talað um gæðastjórnun?“ Snorri nefnir að prestur hafi gert athugasemd á Facebooksíðu sinni, að þetta hafi upphaflega verið ritningarvers. Og það megi vera að þaðan hafi þetta þróast. „En leiðin þaðan yfir í einhver úrkynjuð tilvitnunarsöfn á netinu sem enginn ber ábyrgð á er vafasöm. Það mætti heldur leita til málsmetandi aðila og ég veit að Árnastofnun er boðin og búin að hjálpa mönnum áleiðis. Það er ástæða fyrir því að við höldum úti slíkum stofnunum,“ segir Snorri. Íslensk fræði Íslensk tunga Páskar Tengdar fréttir Telur að fólk fái leið á „hálfvitapáskaeggjum“ Ekki hugnast öllum nýir málshættir sem leyndust í páskaeggjum landsmanna í ár. Þjóðháttafræðingur segir nýju málshættina ekki eins hnitmiðaða og þá gömlu. 18. apríl 2017 07:00 Kvarta yfir neikvæðum málsháttum Finnur Geirsson, forstjóri Nóa Síríus, segir sármóðgaða viðskiptavini eiga það til að hringja og kvarta yfir neikvæðum málsháttum í páskaeggjum sínum. 4. apríl 2015 10:00 Brynhildur Björnsdóttir: Málsháttatal Þá er lokið stærstu málsháttaveislu ársins. Milljón málshættir, dulbúnir sem súkkulaðiegg og umvafðir sælgæti í skrjáfpappír, hafa nú runnið inn í hug og hjarta landsmanna og -kvenna öllum til umhugsunar og vonandi sumum til hugljómunar. Það er frábært hversu margir hafa áhuga á málshættinum inni í páskaegginu, sumir réttlæta jafnvel óhóflega súkkulaðineyslu um páska með því að þeir kaupi páskaeggin bara fyrir málshættina. 9. apríl 2010 06:00 Mest lesið Hefja söfnun fyrir fjölskyldu Víglundar Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent Þekkir ekki eina stelpu sem ekki hefur verið áreitt Innlent „Mæta á næstu Palestínumótmæli og berja þetta lið“ Innlent Borðaði súrdeigsbrauð og mældist með áfengi í útblæstri Innlent Missa fatamarkaðinn með flutningi Konukots í Ármúla Innlent Afar mjótt á munum hjá forsetaframbjóðendum í Póllandi Erlent Segja ógnarstjórn ríkja á Þjóðminjasafninu Innlent Bað um 12 milljónir til að halda tónlistarhátíð í öðru sveitarfélagi Innlent Fleiri fréttir Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi Sjá meira
Að sögn Péturs Thors, framkvæmdastjóra sælgætisgerðarinnar Freyju, skipta málshættirnir sem finna má í páskaeggjum, fólk gríðarlega miklu máli. Hann gefur ekki mikið fyrir aðfinnslu Snorra Másson sem birti mynd af málshætti sem hann fékk í smáeggi og sagði við það tækifæri: „Áfram heldur hin mjög svo niðurdrepandi gengisfelling málsháttarins.“ Málshátturinn sem Snorri fékk var svohljóðandi: „Ókurteisi er lítilla manna eftirlíking af styrk.“ Miðinn sem Snorri telur til marks um þá úrkynjun sem málshættirnir mega nú sæta. „Já! Gengisfelling málsháttarins, eina og sanna,“ spyr Pétur Thor. „Spurning hvort maður verði bara með einn málshátt. Upphaflega málsháttinn?“ Tilgangur málshátta er samtalið Pétur Thor segir þetta nákvæmlega tilgang málshátta og hefur gaman að því að Snorri skuli henda þessu út. Það skapi umræðu. Pétur segir ókurteisi vera nokkuð sem fer fyrir brjóstið á sér og sú sé ástæðan fyrir því að þessi fékk að halda sér á sínum tíma, þegar hann tók til í bankanum. En það gerir hann reglulega. „Þetta er stór banki málshátta sem við eigum og er partur lista sem við látum prenta á hverju ári. Þessi listi málshátta var til kominn fyrir minn tíma. En ég notast við hann ár eftir ár. Fór ekki yfir hann á þessu ári en hef gert það reglulega á mínum tíu árum hér og pikkað út málshætti. Pétur Thor með fullar lúkur af málsháttum en öll litlu eggin eru einnig með málshætti og það þarf því að prenta út reiðinnar býsn af málsháttum því ekkert er páskaeggið nema málsháttur sé þar í.vísir/Anton Brink Það voru alveg nokkrir málshættir sem eru neikvæðari en maður hefði viljað í svona páskaeggjum. Þeir henta ekki samfélaginu eins og það hefur þróast. Það sem þótti í lagi að segja fyrir tíu árum þykir það ekki núna,“ segir Pétur. Pétur segir bankann sem Freyjumenn búa að upphaflega hafi verið kjarngóðir gamlir íslenskir málshættir. Svo hafi bæst við tilvitnanir í einhverja þekkta og nafngreinda einstaklinga og þá er sá tilgreindur. Þetta séu svona heilræði. „Ég skil vel að ég hafi látið þennan verða eftir, ókurteisi er það sem fer mest í taugarnar á mér.“ Pétur segir að menn verði að ímynda sér að barn fái málsháttinn í sitt egg og þá sé rétt að taka umræðuna, ef eitthvað fari á milli mála. „Við eigum ekki að vera ókurteis. Hvað er málsháttur og hvað ekki? Þetta þarf ekki allt að vera um bændur og búalið, eins og þetta gekk mikið út á á sínum tíma. Er ekki í lagi að þetta þróist?“ Málshættirnir skipta fólk gríðarlega miklu máli Pétur segir fólk hafa mikinn áhuga á þessu og hann hefur gaman að því að henda einhverju svona út. „Það er bara gaman að þessu. Það er í lagi að Snorri sé ósáttur. Maður þarf ekki að vera glaður með allt.“ Pétur segir þessa hefð aldagamla. Og hafi byrjað á því að menn voru að stinga málsháttum eða einhverjum athugasemdum í hænuegg. Pétur segir hefðina upphaflega orðið til í Evrópu en þá voru málshættir; heilræði og ástarjátningar, settir í hænuegg sem búið var að blása úr og svo var málað yfir.vísir/anton brink „Innihaldið var blásið úr þeim, fyrst voru þau skreytt og svo voru gerð lítil göt á eggin. Þetta þróaðist í Evrópu: Skilaboð, ástarjátningar, heilræði … og svo málað yfir eggið.“ Pétur viðurkennir fúslega að hann hafi ekki verið mikið í að bæta við þennan banka. En tíðarandinn breytist og málshættirnir með. Hann segir að ef farist fyrir að málshættirnir endi í eggjunum þá sé fólk fljótt að kvarta. Og það komi þá bara við í Freyju, fái eitthvað gott og málshátt í sárabætur. „Já, þetta skiptir fólk gríðarlega miklu máli.“ Málshættir eru hluti af tungumálinu Snorri, sem hefur verið sá þingmaður sem lætur sig opinberlega helst íslenskt mál skipta, telur engan ágreining felast í því hvað málshættir eru og þeir séu órjúfanlegur þáttur íslenskunnar. „Þetta eru setningar og frasar sem festast í sessi og eru að einhverju leyti trénuð sannindi í kjörnuðum frösum. Það sem ég er að gera athugasemd við, og ég er ekkert einn um að sjá þetta, við erum að tala um hræódýrar þýðingar úr ensku. Menn hafa verið að nefna að þarna komi gervigreind að. Ég er ekkert endilega á því. Menn hafa verið að éta þetta upp af einhverjum söfnum, þýða úr tilvitnunarsöfnum úr ensku eitthvað sem fyrirfinnst á netinu – éta upp allt mögulegt. Málshættir eru bara hluti af tungumálinu, menningararfinum og það ber að nálgast af ákveðinni virðingu,“ segir Snorri. Snorri gefur ekkert eftir í stóra málsháttamálinu, segir að menn hljóti að verða að virða málshættina og það sé þá hægt að fá einhverja til að mynda frá Árnastofnun til að vera mönnum innan handar við að velja í eggin þar sem hæfir.vísir/vilhelm Hann segir að það séu alveg til söfn af góðum og gildum málsháttum og það megi alveg fela þeim sem er til þess bær að meta hvað flokkast undir málshætti. „Ef ég er spurður er ég ánægður með að menn fái málshætti í eggjum sínum. En það er ekki hægt að bjóða fólki upp á eitthvað rusl. Er ekki oft talað um gæðastjórnun?“ Snorri nefnir að prestur hafi gert athugasemd á Facebooksíðu sinni, að þetta hafi upphaflega verið ritningarvers. Og það megi vera að þaðan hafi þetta þróast. „En leiðin þaðan yfir í einhver úrkynjuð tilvitnunarsöfn á netinu sem enginn ber ábyrgð á er vafasöm. Það mætti heldur leita til málsmetandi aðila og ég veit að Árnastofnun er boðin og búin að hjálpa mönnum áleiðis. Það er ástæða fyrir því að við höldum úti slíkum stofnunum,“ segir Snorri.
Íslensk fræði Íslensk tunga Páskar Tengdar fréttir Telur að fólk fái leið á „hálfvitapáskaeggjum“ Ekki hugnast öllum nýir málshættir sem leyndust í páskaeggjum landsmanna í ár. Þjóðháttafræðingur segir nýju málshættina ekki eins hnitmiðaða og þá gömlu. 18. apríl 2017 07:00 Kvarta yfir neikvæðum málsháttum Finnur Geirsson, forstjóri Nóa Síríus, segir sármóðgaða viðskiptavini eiga það til að hringja og kvarta yfir neikvæðum málsháttum í páskaeggjum sínum. 4. apríl 2015 10:00 Brynhildur Björnsdóttir: Málsháttatal Þá er lokið stærstu málsháttaveislu ársins. Milljón málshættir, dulbúnir sem súkkulaðiegg og umvafðir sælgæti í skrjáfpappír, hafa nú runnið inn í hug og hjarta landsmanna og -kvenna öllum til umhugsunar og vonandi sumum til hugljómunar. Það er frábært hversu margir hafa áhuga á málshættinum inni í páskaegginu, sumir réttlæta jafnvel óhóflega súkkulaðineyslu um páska með því að þeir kaupi páskaeggin bara fyrir málshættina. 9. apríl 2010 06:00 Mest lesið Hefja söfnun fyrir fjölskyldu Víglundar Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent Þekkir ekki eina stelpu sem ekki hefur verið áreitt Innlent „Mæta á næstu Palestínumótmæli og berja þetta lið“ Innlent Borðaði súrdeigsbrauð og mældist með áfengi í útblæstri Innlent Missa fatamarkaðinn með flutningi Konukots í Ármúla Innlent Afar mjótt á munum hjá forsetaframbjóðendum í Póllandi Erlent Segja ógnarstjórn ríkja á Þjóðminjasafninu Innlent Bað um 12 milljónir til að halda tónlistarhátíð í öðru sveitarfélagi Innlent Fleiri fréttir Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi Sjá meira
Telur að fólk fái leið á „hálfvitapáskaeggjum“ Ekki hugnast öllum nýir málshættir sem leyndust í páskaeggjum landsmanna í ár. Þjóðháttafræðingur segir nýju málshættina ekki eins hnitmiðaða og þá gömlu. 18. apríl 2017 07:00
Kvarta yfir neikvæðum málsháttum Finnur Geirsson, forstjóri Nóa Síríus, segir sármóðgaða viðskiptavini eiga það til að hringja og kvarta yfir neikvæðum málsháttum í páskaeggjum sínum. 4. apríl 2015 10:00
Brynhildur Björnsdóttir: Málsháttatal Þá er lokið stærstu málsháttaveislu ársins. Milljón málshættir, dulbúnir sem súkkulaðiegg og umvafðir sælgæti í skrjáfpappír, hafa nú runnið inn í hug og hjarta landsmanna og -kvenna öllum til umhugsunar og vonandi sumum til hugljómunar. Það er frábært hversu margir hafa áhuga á málshættinum inni í páskaegginu, sumir réttlæta jafnvel óhóflega súkkulaðineyslu um páska með því að þeir kaupi páskaeggin bara fyrir málshættina. 9. apríl 2010 06:00