Leik­menn ÍBV hjálpuðu til við að færa sætin á milli valla í Eyjum

ÍBV hefur spilað tvo fyrstu deildarleiki sína á útivelli en spilaði fyrsta heimaleikinn í 32 liða úrslitum Mjólkurbikarsins um helgina þar sem Eyjaliðið vann frábæran 3-0 sigur á Víkingum.

Þórsvöllurinn hafði ekki aðstöðu fyrir áhorfendur en Eyjamenn vinna þessa dagana í því að bæta úr því.

Nú síðast var farið í því að losa öll sætin úr stúkunni á Hásteinsvellinum og færa þau yfir á Þórsvöllinn.

Þar var búið að koma fyrir brettum sem verða tímabundin lausn.

Næsti heimaleikur ÍBV er á móti Fram í Bestu deildinni á Sumardaginn fyrsta.

Það var ötull hópur knattspyrnuráðsmanna og leikmanna sem vann að því að setja upp bretti á Þórsvelli og taka niður sæti úr Hásteinstúkunni.

Sætunum verður síðan komið fyrir á brettunum þannig að heildarfjöldi sæta á Þórsvelli verði 300 þegar yfir líkur.

Hér fyrir neðan má sjá svipmyndir frá þessum dugnaðarforkum úti í Vestmannaeyjum.