Stjörnum prýdd stikla Black Mirror

Þættirnir hafa í gegnum árin meðal annars verið notaðir til að varpa ljósi á skuggahliðar samfélagsmiðla, tækninnar og fleiri anga nútímasamfélagsins með mikilli háðsádeilu. Hver þáttur hefur stakan söguþráð en nú verður einn framhaldsþáttur sýndur, sem er framhald þáttar úr fjórðu þáttaröð sem margir segja með betri þáttum seríunnar.

Fyrstu Black Mirror þættirnir voru sýndir á Channel 4 í Bretlandi í desember 2011 en fyrsti þátturinn naut strax mikillar athygli. Hann gekk út á það að ímyndaður forsætisráðherra Bretlands var þvingaður til að hafa mök við svín til að bjarga lífi prinsessu.

Síðan þá hafa nýjar þáttaraðir verið birtar með mjög óreglulegu millibili og óreglulegum fjölda þátta. Einn þáttanna í fjórðu þáttaröð var tekinn upp hér á Íslandi.

Eins og áður segir eru þættirnir að þessu sinni sex

Sýning þáttanna hefst þann 10. apríl.

Fyrsti þátturinn ber titilinn Common People en þar eru í aðalhlutverkum þau Rashida Jones, Chris O'Dowd og Tracee Ellis Ross.

Annar þátturinn heitir Béte Noire en þar eru í aðalhlutverkum þau Rosy McEwen og Siena Kelly.

Þriðji þátturinn er Eulogy, með þeim Paul Giamatti og Patsy Ferran.

Sá fjórði heitir Plaything með Peter Capaldi og Lewis Gribben, auk þeirra Will Poulter og Asim Chaudhry.

Fimmti þátturinn er kallaður Hotel Reverie og þar eru í aðalhlutverkum þær Emma Corrin, Issa Rae og Awkwafina.

Sjötti þátturinn heitir svo USS Callister: Into Infinity með þeim Cristin Milioti og Jimmi Simpson.