Ingebrigtsen fer fyrir dóm: Faðirinn neitar en börnin munu bera vitni Ágúst Orri Arnarson skrifar 25. mars 2025 07:03 Jakob Ingebrigtsen verður í dag sá fyrsti af systkinunum sjö til að bera vitni í máli gegn föður sínum, Gjert. vísir Norski fjölskyldufaðirinn og hlaupaþjálfarinn Gjert Ingebrigtsen neitaði fyrir dómstólum ásökunum sem börn hans bera honum á hendur um líkamlegt og andlegt ofbeldi. Öll sjö börn hans munu bera vitni en aðeins eitt þeirra hefur opinberlega tekið hans hlið. Fyrsti þátturinn úr raunveruleikaseríu fjölskyldunnar var sýndur í dómsal í gær til að útskýra fjölskyldumynstrið. Átta ákærur alls en tvær eftir Alls hefur Gjert verið ákærður átta sinnum frá því að þrír synir hans (Henrik, Jakob og Filip) stigu fyrstir fram árið 2022 og sögðu frá ofbeldi föður síns. Hann hefur alla tíð neitað sök. Fimm ákærur voru látnar falla niður vegna skorts á sönnunargögnum og eitt málið fyrndist. Eftir standa tvær ákærur. Annars vegar er Gjert sakaður um að hafa beitt yngstu dóttur sína (Ingrid) líkamlegu og andlegu ofbeldi. Ingrid Ingebrigtsen er næst yngst af systkinunum. Gjert er sagður hafa svipuslegið hana með handklæði, sem var ástæða þess að strákarnir ákváðu að hætta með föður sinn sem þjálfara, stíga fram og segja frá. Einnig á hann að hafa barið hana í bringuna, og læst hana inni þegar hún vildi hætta í hlaupum. Hins vegar er Gjert sakaður um að hafa beitt son sinn (Jakob) líkamlegu og andlegu ofbeldi yfir tíu ára tímabil frá 2008-18. Gjert er meðal annars sagður hafa sparkað syni sínum af vespu þegar hann var átta ára gamall, hótað honum hörðum barsmíðum eftir slæm úrslit á EM ungmenna, og ítrekað slegið son sinn í höfuðið þegar hann hagaði sér illa í skóla. Reiknað er með að málsmeðferð muni taka átta vikur og niðurstaða á að liggja fyrir þann 16. maí. Hámarksrefsing fyrir heimilisofbeldi af þessu tagi er sex ára fangelsi. Eitt stærsta mál sinnar tegundar Málið hefur vakið gríðarlega athygli frá því að það kom upp fyrst árið 2022, enda er Ingebrigtsen nafnið það þekktasta í frjálsíþróttaheiminum, svipað og Williams-systur í tennis, Klitschko-bræður í boxi, Ball-fjölskyla eða Manning-fjölskyldan í amerískum fótbolta. Jakob, Filip og Henrik stigu fyrstir fram af systkinunum. Þeir hafa unnið til verðlauna á EM, HM og Ólympíuleikum, svo fáeitt svo nefnt. Lise Åserud / NTB Réttarhöldin fara fram fyrir opnum dyrum, sem lögmaður Gjert mótmælti harðlega og sagði þá þegar búið að dæma Gjert sekan í fjölmiðlum. Tvö fjölmiðlaherbergi eru samtengd dómsalnum og fjöldi erlendra miðla fylgja málinu eftir. Fimmtán lögregluþjónar hafa rannsakað málið undanfarin ár, sem hefur sætt gagnrýni þar sem það er mun meira en almennt tíðkast í heimilisofbeldismálum í Noregi. Fjölskyldan splundruð Ingebrigtsen börnin eru sjö talsins: Kristoffer (36 ára), Henrik (34), Filip (31), Martin (30), Jakob (24), Ingrid (19) og William (10). Þau munu öll bera vitnisburð í málinu en Martin er sá eini sem hefur opinberlega tekið hlið föður síns og varið hann gegn ásökunum um ofbeldi. Tone og Gjert Ingebrigtsen. Móðir barnanna og eiginkona Gjert, Tone Ingebrigtsen, hefur einnig staðið með honum. Hún mun bera vitni í málinu eftir mánuð en má ekki mæta í dómsal og fylgjast með málinu þangað til. Eftir að bræðurnir stigu fram fór Gjert að þjálfa þeirra helsta keppinaut, Narve Gilje Nordas, sem er einnig einn af 34 aðilum á vitnaskrá. Jakob ber vitnisburð í dag Jakob verður sá fyrsti af börnunum til að bera vitnisburð þegar hann mætir í dómsalinn í dag, tveimur dögum eftir að hafa unnið tvenn gullverðlaun á heimsmeistaramótinu í frjálsíþróttum innanhúss. Hin börnin munu bera vitni í næstu viku. Skýlir sér bak við raunveruleikaþættina Gjert lýsti yfir sakleysi sínu þegar ákærurnar voru taldar upp í gær, hann fær síðan ekki að taka til máls aftur fyrr en í næstu viku. Vörn hans byggir að mestu á myndefni úr Team Ingebrigtsen, raunveruleikaþáttum um líf fjölskyldunnar eftir frá 2016-21, sem skarast á við þann tíma sem ofbeldið á að hafa gerst. Allur fyrsti þátturinn úr seríunni var sýndur í dómsalnum í gær til að sýna svipmynd af fjölskyldunni, sem er vægast sagt óvenjuleg enda snýst líf þeirra að eiginlega öllu leiti um hlaup Team Ingebrigtsen voru vinsælir raunveruleikaþættir. „Ásakanir um heimilisofbeldi eiga sér enga stoð því myndavélar fylgdu fjölskyldunni daglega, á æfingum, í fríum og í daglegu lífi. Ef ofbeldi hefði átt sér stað hefði fljótt komist upp um það“ sagði Heidi Reisvang, verjandi Gjert, sem tók einnig fram að ekki væri um venjulega fjölskyldu að ræða og lagði áherslu á að hann hafi verið þjálfari barnanna. Orð gegn orði Ríkissaksóknarinn, Angjerd Kvernenes, sagði þættina ekki sýna allt sem gekk á í lífi fjölskyldunnar og gaf lítið fyrir áherslu verjandans á þjálfarastarf föðursins. „Málið snýst um hvort faðir hafi beitt börnum sínum ofbeldi. Þetta snýst ekki um hversu langt þjálfari má ganga til að ná því besta út úr íþróttamanni… Niðurstaðan verður að mestu byggð á vitnisburði, og að litlu leiti öðrum sönnunargögnum. Þetta mun snúast um að meta trúverðugleika vitnisframburðanna.“ Umfjöllun Vísis er byggð á umfjöllun norska ríkismiðilsins NRK en einnig samantektum New York Times, Yahoo Sports, Associated Press og RÚV. Noregur Frjálsar íþróttir Hlaup Heimilisofbeldi Ofbeldi gegn börnum Fjölskyldumál Mál Gjert Ingebrigtsen Mest lesið Frederik Schram fundinn Íslenski boltinn Fékk sleggju í höfuðið og var ljónheppinn að lifa af Sport Tilbúinn að gefa nýrun sín en ekki að leigja bílaleigubíl Enski boltinn „Heyrðu, það þarf einhver að skutla syni okkar á leikskólann“ Sport Alfreð reiður út í leikmenn sína Handbolti „Helmingurinn af liðinu var veikur“ Körfubolti Geta unnið glænýjan bíl í Öskjuhlíðinni Sport Svona er nýja landsliðstreyja stelpnanna fyrir EM í sumar Fótbolti Lést á leiðinni á æfingu Sport Leik KR og ÍBV seinkað vegna færðar Íslenski boltinn Fleiri fréttir „Einu skrefi nær því að verða næsti Sir Alex Ferguson“ Sex rallýgoðsagnir teknar inn í nýjustu frægðarhöllina á Íslandi Fjögur lið á toppnum með fjögur stig „Heyrðu, það þarf einhver að skutla syni okkar á leikskólann“ Guðni Eiríksson: Markmannstaðan á Íslandi er ekki nógu góð Íslensku stelpurnar flugu inn í úrslitin Hamarsmenn tryggðu sér oddaleik Arteta varar Arsenal fólk við: Erfiðasta staðan að fylla Nýliðarnir sóttu þrjú stig á heimavöll hamingjunnar Uppgjör: FH-Stjarnan 2-1 | FH-konur áfram á flugi Syni Tigers mistókst að tryggja sér sæti á Opna bandaríska Aldís Ásta og félagar einum sigri frá sænska meistaratitlinum Fleiri sæti í boði fyrir stelpurnar okkar á HM 2031 Arne Slot vonsvikinn með Trent Alexander-Arnold Svona er nýja landsliðstreyja stelpnanna fyrir EM í sumar Mac Allister besti leikmaðurinn í fyrsta sinn Tæplega fimmtugur Manny Pacquiao ætlar að snúa aftur í hringinn Fékk sleggju í höfuðið og var ljónheppinn að lifa af Salah valinn bestur af blaðamönnum „Er ekki alltaf markmiðið að bæta sig? Annars væri maður ekki að þessu“ Hlakkar til að mæta „fótboltapabba“ sínum í úrslitaleiknum Leik KR og ÍBV seinkað vegna færðar Fótboltaparið eignaðist son og skírði hann Jagger Geta unnið glænýjan bíl í Öskjuhlíðinni Sex ensk lið í Meistaradeild og tíu gætu náð Evrópusæti Hristi af sér meiðsli á „ódauðlega“ ökklanum og fagnaði sigri Sjáðu mörkin þegar United og Spurs gulltryggðu sig í úrslitaleikinn Stóð við stóru orðin og fór í átta klukkutíma göngutúr heim til sín Miðasala á Dúllubar í dag og VIP-miðar á 15.000 krónur Frederik Schram fundinn Sjá meira
Átta ákærur alls en tvær eftir Alls hefur Gjert verið ákærður átta sinnum frá því að þrír synir hans (Henrik, Jakob og Filip) stigu fyrstir fram árið 2022 og sögðu frá ofbeldi föður síns. Hann hefur alla tíð neitað sök. Fimm ákærur voru látnar falla niður vegna skorts á sönnunargögnum og eitt málið fyrndist. Eftir standa tvær ákærur. Annars vegar er Gjert sakaður um að hafa beitt yngstu dóttur sína (Ingrid) líkamlegu og andlegu ofbeldi. Ingrid Ingebrigtsen er næst yngst af systkinunum. Gjert er sagður hafa svipuslegið hana með handklæði, sem var ástæða þess að strákarnir ákváðu að hætta með föður sinn sem þjálfara, stíga fram og segja frá. Einnig á hann að hafa barið hana í bringuna, og læst hana inni þegar hún vildi hætta í hlaupum. Hins vegar er Gjert sakaður um að hafa beitt son sinn (Jakob) líkamlegu og andlegu ofbeldi yfir tíu ára tímabil frá 2008-18. Gjert er meðal annars sagður hafa sparkað syni sínum af vespu þegar hann var átta ára gamall, hótað honum hörðum barsmíðum eftir slæm úrslit á EM ungmenna, og ítrekað slegið son sinn í höfuðið þegar hann hagaði sér illa í skóla. Reiknað er með að málsmeðferð muni taka átta vikur og niðurstaða á að liggja fyrir þann 16. maí. Hámarksrefsing fyrir heimilisofbeldi af þessu tagi er sex ára fangelsi. Eitt stærsta mál sinnar tegundar Málið hefur vakið gríðarlega athygli frá því að það kom upp fyrst árið 2022, enda er Ingebrigtsen nafnið það þekktasta í frjálsíþróttaheiminum, svipað og Williams-systur í tennis, Klitschko-bræður í boxi, Ball-fjölskyla eða Manning-fjölskyldan í amerískum fótbolta. Jakob, Filip og Henrik stigu fyrstir fram af systkinunum. Þeir hafa unnið til verðlauna á EM, HM og Ólympíuleikum, svo fáeitt svo nefnt. Lise Åserud / NTB Réttarhöldin fara fram fyrir opnum dyrum, sem lögmaður Gjert mótmælti harðlega og sagði þá þegar búið að dæma Gjert sekan í fjölmiðlum. Tvö fjölmiðlaherbergi eru samtengd dómsalnum og fjöldi erlendra miðla fylgja málinu eftir. Fimmtán lögregluþjónar hafa rannsakað málið undanfarin ár, sem hefur sætt gagnrýni þar sem það er mun meira en almennt tíðkast í heimilisofbeldismálum í Noregi. Fjölskyldan splundruð Ingebrigtsen börnin eru sjö talsins: Kristoffer (36 ára), Henrik (34), Filip (31), Martin (30), Jakob (24), Ingrid (19) og William (10). Þau munu öll bera vitnisburð í málinu en Martin er sá eini sem hefur opinberlega tekið hlið föður síns og varið hann gegn ásökunum um ofbeldi. Tone og Gjert Ingebrigtsen. Móðir barnanna og eiginkona Gjert, Tone Ingebrigtsen, hefur einnig staðið með honum. Hún mun bera vitni í málinu eftir mánuð en má ekki mæta í dómsal og fylgjast með málinu þangað til. Eftir að bræðurnir stigu fram fór Gjert að þjálfa þeirra helsta keppinaut, Narve Gilje Nordas, sem er einnig einn af 34 aðilum á vitnaskrá. Jakob ber vitnisburð í dag Jakob verður sá fyrsti af börnunum til að bera vitnisburð þegar hann mætir í dómsalinn í dag, tveimur dögum eftir að hafa unnið tvenn gullverðlaun á heimsmeistaramótinu í frjálsíþróttum innanhúss. Hin börnin munu bera vitni í næstu viku. Skýlir sér bak við raunveruleikaþættina Gjert lýsti yfir sakleysi sínu þegar ákærurnar voru taldar upp í gær, hann fær síðan ekki að taka til máls aftur fyrr en í næstu viku. Vörn hans byggir að mestu á myndefni úr Team Ingebrigtsen, raunveruleikaþáttum um líf fjölskyldunnar eftir frá 2016-21, sem skarast á við þann tíma sem ofbeldið á að hafa gerst. Allur fyrsti þátturinn úr seríunni var sýndur í dómsalnum í gær til að sýna svipmynd af fjölskyldunni, sem er vægast sagt óvenjuleg enda snýst líf þeirra að eiginlega öllu leiti um hlaup Team Ingebrigtsen voru vinsælir raunveruleikaþættir. „Ásakanir um heimilisofbeldi eiga sér enga stoð því myndavélar fylgdu fjölskyldunni daglega, á æfingum, í fríum og í daglegu lífi. Ef ofbeldi hefði átt sér stað hefði fljótt komist upp um það“ sagði Heidi Reisvang, verjandi Gjert, sem tók einnig fram að ekki væri um venjulega fjölskyldu að ræða og lagði áherslu á að hann hafi verið þjálfari barnanna. Orð gegn orði Ríkissaksóknarinn, Angjerd Kvernenes, sagði þættina ekki sýna allt sem gekk á í lífi fjölskyldunnar og gaf lítið fyrir áherslu verjandans á þjálfarastarf föðursins. „Málið snýst um hvort faðir hafi beitt börnum sínum ofbeldi. Þetta snýst ekki um hversu langt þjálfari má ganga til að ná því besta út úr íþróttamanni… Niðurstaðan verður að mestu byggð á vitnisburði, og að litlu leiti öðrum sönnunargögnum. Þetta mun snúast um að meta trúverðugleika vitnisframburðanna.“ Umfjöllun Vísis er byggð á umfjöllun norska ríkismiðilsins NRK en einnig samantektum New York Times, Yahoo Sports, Associated Press og RÚV.
Noregur Frjálsar íþróttir Hlaup Heimilisofbeldi Ofbeldi gegn börnum Fjölskyldumál Mál Gjert Ingebrigtsen Mest lesið Frederik Schram fundinn Íslenski boltinn Fékk sleggju í höfuðið og var ljónheppinn að lifa af Sport Tilbúinn að gefa nýrun sín en ekki að leigja bílaleigubíl Enski boltinn „Heyrðu, það þarf einhver að skutla syni okkar á leikskólann“ Sport Alfreð reiður út í leikmenn sína Handbolti „Helmingurinn af liðinu var veikur“ Körfubolti Geta unnið glænýjan bíl í Öskjuhlíðinni Sport Svona er nýja landsliðstreyja stelpnanna fyrir EM í sumar Fótbolti Lést á leiðinni á æfingu Sport Leik KR og ÍBV seinkað vegna færðar Íslenski boltinn Fleiri fréttir „Einu skrefi nær því að verða næsti Sir Alex Ferguson“ Sex rallýgoðsagnir teknar inn í nýjustu frægðarhöllina á Íslandi Fjögur lið á toppnum með fjögur stig „Heyrðu, það þarf einhver að skutla syni okkar á leikskólann“ Guðni Eiríksson: Markmannstaðan á Íslandi er ekki nógu góð Íslensku stelpurnar flugu inn í úrslitin Hamarsmenn tryggðu sér oddaleik Arteta varar Arsenal fólk við: Erfiðasta staðan að fylla Nýliðarnir sóttu þrjú stig á heimavöll hamingjunnar Uppgjör: FH-Stjarnan 2-1 | FH-konur áfram á flugi Syni Tigers mistókst að tryggja sér sæti á Opna bandaríska Aldís Ásta og félagar einum sigri frá sænska meistaratitlinum Fleiri sæti í boði fyrir stelpurnar okkar á HM 2031 Arne Slot vonsvikinn með Trent Alexander-Arnold Svona er nýja landsliðstreyja stelpnanna fyrir EM í sumar Mac Allister besti leikmaðurinn í fyrsta sinn Tæplega fimmtugur Manny Pacquiao ætlar að snúa aftur í hringinn Fékk sleggju í höfuðið og var ljónheppinn að lifa af Salah valinn bestur af blaðamönnum „Er ekki alltaf markmiðið að bæta sig? Annars væri maður ekki að þessu“ Hlakkar til að mæta „fótboltapabba“ sínum í úrslitaleiknum Leik KR og ÍBV seinkað vegna færðar Fótboltaparið eignaðist son og skírði hann Jagger Geta unnið glænýjan bíl í Öskjuhlíðinni Sex ensk lið í Meistaradeild og tíu gætu náð Evrópusæti Hristi af sér meiðsli á „ódauðlega“ ökklanum og fagnaði sigri Sjáðu mörkin þegar United og Spurs gulltryggðu sig í úrslitaleikinn Stóð við stóru orðin og fór í átta klukkutíma göngutúr heim til sín Miðasala á Dúllubar í dag og VIP-miðar á 15.000 krónur Frederik Schram fundinn Sjá meira