Nafn mannsins sem lést í vinnu­slysi í Vík

Hann var fæddur 1983, búsettur í Vík og lætur eftir sig sambýliskonu og tvö börn.

Tilkynning barst um slysið klukkan 13:45 á föstudaginn og voru viðbragðsaðilar, lögregla, sjúkraflutningamenn og læknir fljótir á staðinn. Endurlífgunartilraunir voru gerðar á vettvangi en báru ekki árangur.

Garðar Már Garðarson, aðalvarðstjóri hjá lögreglunni á Suðurlandi, segir í samtali við Vísi að rannsókn miði vel og að lögregla telji sig vita hvað gerst hafi. Rannsókn standi þó enn yfir.

„Það er þó ekkert saknæmt sem hefur átt sér stað þarna eða einhver glæfraskapur. Þetta er fyrst og fremst alveg hörmulegt slys,“ segir Garðar Már í samtali við Vísi.