Sjáðu sigur­mark Örvars og önnur mörk úr Lengjubikarnum

Nýliðar Bestu deildarinnar á síðasta tímabili, ÍA og Vestri, mættust í Akraneshöllinni og gerðu 2-2 jafntefli.

Vladimir Tufegdzic skoraði bæði mörk gestanna, en Erik Sandberg og Jón Gísli Eyland skoruðu jöfnunarmörk ÍA.

Stjarnan og ÍBV mættust svo á Samsung vellinum í Garðabæ. Leiknum lauk með 3-2 sigri heimamanna eftir æsispennandi leik.

Stjörnumenn lentu tvisvar undir, bæði mörkin skoruð af Oliver Heiðarssyni, en börðust til baka og unnu góðan endurkomusigur. Emil Atlason, Guðmundur Baldvin Nökkvason og Örvar Eggertsson skoruðu mörk Stjörnunnar.