Gerrard að verða afi

Lilly greindi frá tíðindunum á Instagram. Hún er tvítug en pabbinn, Lee Byrne, er 22 ára. Ekki hefur verið greint frá kyni barnsins.

„Við getum ekki beðið. Frábærar fréttir og til hamingju. Við elskum ykkur,“ skrifaði Gerrard við færslu dóttur sinnar.

Gerrard, sem er 44 ára, á fjögur börn með eiginkonu sinni, Alex. Þau gengu í hjónaband 2007.

Gerrard hefur þjálfað Al-Ettifaq í Sádi-Arabíu frá sumrinu 2023. Liðið er í 11. sæti sádi-arabísku úrvalsdeildarinnar. Áður sstýrði Gerrard Rangers og Aston Villa.