Nýr bóksölulisti: Kúkur, piss og prump stekkur upp um tíu sæti

Vísir birtir nú, í samstarfi við félaga Íslenskra útgefenda (Fíbút) nú frá sér þriðja bóksölulista fyrir þessi jólin. Þó þau Arnaldur og Yrsa sitji sem fastast, og Bjarni Fritzson sé á kunnuglegum slóðum fer því fjarri að ekki séu hræringar á listunum.

„Stóru tíðindi þessarar viku er hins vegar heljarstökk Guðrúnar Evu Mínervudóttur með bókina Í skugga trjánna sem hækkar sig upp um sex sæti og er nú í fjórða sæti listans. Þannig klifrar hún yfir kollana á Ragnari Jónassyni, Stefáni Mána, Evu Björg Ægisdóttur, Geir Haarde, Birgittu Haukdal og Útkalli Óttars Sveinssonar,“ segir Bryndís Loftsdóttir framkvæmdastjóri Fíbút. Hún fylgist grannt með gangi mála í bóksölunni.

Kul hækkar sig um þrjú sæti

Og þetta verða að teljast talsverðar vendingar því salan er farin vel af stað og háar sölutölur á bakvið öll efstu sætin. Í skugga trjánna, hlaut Bóksalaverðlaunin í síðustu viku og hefur verið að raka að sér góðum dómum í fjölmiðlum.

„Sé litið á skáldverkalistann má sjá annan sigurvegara Bóksalaverðlaunanna, ljóðabók Gerðar Kristnýjar, Jarðljós í átjánda sæti en óvenjulegt er að sjá ljóðabækur í svo harðri samkeppni við skáldverkin,“ segir Bryndís.

Fyrir utan Guðrúnu Evu eru ekki miklar breytingar á skáldverkalistanum. Kul eftur Sunnu Dís Másdóttur hækkar sig upp um þrjú sæti og þrjár nýjar bækur birtast á listanum: Eldri konur eftir Evu Rún, Slóð Sporðdrekans eftir Skúla Sigurðsson og Næstsíðasta líf Jens Ólafssonar Olsen eftir Braga Pál.

„Ekki eru heldur miklar vendingar á fræðibókalistanum, þar situr Útkallið í efsta sæti og Ævisaga Geirs H. Haarde í því öðru. Hástökkvarar vikunnar eru Churchill – Stjórnvitringurinn framsýni sem stekkur upp um sex sæti og Frasabókin, ný og endurbætt íslensk snjallyrði fer upp um fimm sæti.“

Hástökkvari vikunnar er Kúkur, piss og prump

Nýjir titlar á fræðibókalistanum eru svo Hannes – handritiði mitt, ævisaga Hannesar Þórs Halldórssonar, markvarðar og Óli K., saga fyrsta fastráðna blaðaljósmyndara landsins í skráningu Önnu Drafnar Ágústsdóttur.

„Orri Óstöðvandi er áfram á toppi barnabókalistans en hástökkvari vikunnar er Sævar Helgi Bragason með Kúkur, piss og prump en hann stekkur upp um heil tíu sæti og situr nú í sjötta sæti barnabókalistans. Svo skemmtilega vill svo til að nýjar bækur á listanum eru allar tengdar fótbolta. Þetta eru bækurnar Fótboltastjörnur – Ronaldo er frábær, Sveindís Jane – Saga af stelpu í landsliði og Hvolpasveitin – Hvolpar bjarga fótboltaleik,“ segir Bryndís. Færist nú hiti í leikinn.

Bóksölulistinn 9.-15. desember

1. Ferðalok - Arnaldur Indriðason
2. Ég læt sem ég sofi - Yrsa Sigurðardóttir
3. Orri óstöðvandi - Heimsfrægur á Íslandi - Bjarni Fritzson, myndir Þorvaldur Sævar Gunnarsson
4. Í skugga trjánna - Guðrún Eva Mínervudóttir
5. Hulda - Ragnar Jónasson
6. Dauðinn einn var vitni - Stefán Máni
7. Útkall í ofsabrimi - Óttar Sveinsson
8. Ævisaga - Geir H. Haarde
9. Kvöldið sem hún hvarf - Eva Björg Ægisdóttir
10. Lára fer á fótboltamót - Birgitta Haukdal
11. Himintungl yfir heimsins ystu brún - Jón Kalman Stefánsson
12. Atli eignast gæludýr - Birgitta Haukdal
13. Stella segir bless - Gunnar Helgason
14. Sextíu kíló af sunnudögum - Hallgrímur Helgason
15. Prumpulíus brelludreki - Kai Lüftner, myndh. Wiebke Rauers
16. Kúkur, piss og prump - Vísindalæsi 5 - Sævar Helgi Bragason, myndir Elías Rúni
17. Pabbabrandarar 3 - Þorkell Guðmundsson
18. Verstu skrímsli í heimi - David Walliams, þýð. Guðni Kolbeinsson
19. Tjörnin - Rán Flygenring
20. Bakað með Láru og Ljónsa - Birgitta Haukdal og Sylvía Haukdal

Skáldverk

1. Ferðalok - Arnaldur Indriðason
2. Ég læt sem ég sofi - Yrsa Sigurðardóttir
3. Í skugga trjánna - Guðrún Eva Mínervudóttir
4. Hulda - Ragnar Jónasson
5. Dauðinn einn var vitni - Stefán Máni
6. Kvöldið sem hún hvarf - Eva Björg Ægisdóttir
7. Himintungl yfir heimsins ystu brún - Jón Kalman Stefánsson
8. Sextíu kíló af sunnudögum - Hallgrímur Helgason
9. Ég færi þér fjöll - Kristín Marja Baldursdóttir
10. Þegar sannleikurinn sefur - Nanna Rögnvaldardóttir
11. Jólabústaðurinn - Sarah Morgan,þýð. Birgitta Hassell og Marta Magnadóttir
12. Kul - Sunna Dís Másdóttir
13. Hittu mig í Hellisgerði - Ása Marin
14. Rétt áðan - Illugi Jökulsson
15. Speglahúsið - Benný Sif Ísleifsdóttir
16. Eldri konur - Eva Rún Snorradóttir
17. Slóð sporðdrekans - Skúli Sigurðsson
18. Jarðljós - Gerður Kristný
19. Næstsíðasta líf Jens Ólafssonar Olsen - Bragi Páll Sigurðarson
20. Jólabókarleitin - Jenny Colgan, þýð. Helga Soffía Einarsdóttir

Fræðbækur og rit almenns efnis

1. Útkall í ofsabrimi - Óttar Sveinsson
2. Ævisaga - Geir H. Haarde
3. Pabbabrandarar 3 - Þorkell Guðmundsson
4. Börn í Reykjavík - Guðjón Friðriksson
5. Stóra brauðtertubókin - Ýmsir höfundar
6. Fangar Breta - Sindri Freysson
7. Öxin, Agnes og Friðrik - Síðasta aftakan á Íslandi - Magnús Ólafsson
8. Ég átti að heita Bjólfur - Æskuminningar - Jón Ársæll Þórðarson
9. Ullaræði: Villahullu 2 - Heli Nikula, þýð. Guðrún Hannele Henttinen
10. Fólk og flakk - Sagnakvöld af baksviði stjórnmálanna - Steingrímur J. Sigfússon
11. Til taks - Þyrlusaga Landhelgisgæslu Íslands - Benóný Ásgrímsson, Júlíus Ó. Einarsson og Páll Halldórsson
12. Duna - Saga kvikmyndagerðarkonu - Kristín Svava Tómasdóttir og Guðrún Elsa Bragadóttir
13. Frasabókin – ný og endurbætt íslensk snjallyrði - Eyþór Wöhler og Emil Örn Aðalsteinsson
14. Churchill - Stjórnvitringurinn framsýni - James C. Humes, þýð. Magnús Þór Hafsteinsson
15. Fótboltaspurningar Illuga Jökulssonar - Illugi Jökulsson
16. Þjóðin og valdið - Fjölmiðlalögin og Icesave - Ólafur Ragnar Grímsson
17. Ég skal hjálpa þér - Saga Auriar - Herdís Magnea Hübner
18. Hannes - Handritið mitt - Magnús Örn Helgason
19. Í veiði með Árna Bald - Árni Baldursson
20. Óli K. - Anna Dröfn Ágústsdóttir

Barna- og ungmennabækur

1. Orri óstöðvandi - Heimsfrægur á Íslandi - Bjarni Fritzson, myndh. Þorvaldur Sævar Gunnarsson
2. Lára fer á fótboltamót - Birgitta Haukdal
3. Atli eignast gæludýr - Birgitta Haukdal
4. Stella segir bless - Gunnar Helgason
5. Prumpulíus brelludreki - Kai Lüftner, myndh. Wiebke Rauers
6. Kúkur, piss og prump - Vísindalæsi 5 - Sævar Helgi Bragason, myndir Elías Rúni
7. Verstu skrímsli í heimi - David Walliams, þýð. Guðni Kolbeinsson
8. Tjörnin - Rán Flygenring
9. Bakað með Láru og Ljónsa - Birgitta Haukdal og Sylvía Haukdal
10. Bluey - 5 mínútna sögur - Joe Brumm, þýð. Andri Karel Ásgeirsson
11. Kærókeppnin - Embla Bachmann, myndir Blær Guðmundsdóttir
12. Fíasól í logandi vandræðum - Kristín Helga Gunnarsdóttir, myndir Halldór Baldursson
13. Lína bjargar jólunum - Astrid Lindgren, þýð. Silja Aðalsteinsdóttir
14. Fóboltastjörnur - Ronaldo er frábær! - Simon Mugford, þýð. Guðni Kolbeinsson
15. Hvolpasveitin: Voff-voff björgunartæki - Nickelodeon
16. Vörubílar og vinnuvélar - Örn Sigurðsson
17. Dagbók Kidda klaufa 18: Ekkert mál - Jeff Kinney, þýð. Helgi Jónsson
18. Sveindís Jane: Saga af stelpu í landsliði - Sveindís Jane Jónsdóttir og Sæmundur Norðfjörð
19. Risaeðlugengið 6: Leyndarmálið - Lars Mæhle, myndh. Lars Rudebjer
20. Hvolpasveitin - Hvolpar bjarga fótboltaleik - Nickelodeon

Uppsafnað frá áramótum

1. Ferðalok - Arnaldur Indriðason
2. Ég læt sem ég sofi - Yrsa Sigurðardóttir
3. Orri óstöðvandi - Heimsfrægur á Íslandi - Bjarni Fritzson, myndir Þorvaldur Sævar Gunnarsson
4. Ævisaga - Geir H. Haarde
5. Útkall í ofsabrimi - Óttar Sveinsson
6. Lára fer á fótboltamót - Birgitta Haukdal
7. Dauðinn einn var vitni - Stefán Máni
8. Hulda - Ragnar Jónasson
9. Í skugga trjánna - Guðrún Eva Mínervudóttir
10. Kvöldið sem hún hvarf - Eva Björg Ægisdóttir
11. Atli eignast gæludýr - Birgitta Haukdal
12. Sextíu kíló af sunnudögum - Hallgrímur Helgason
13. Stella segir bless - Gunnar Helgason
14. Hildur - Satu Rämö, þýð. Erla Elíasdóttir Völudóttir
15. Prumpulíus brelludreki - Kai Lüftner, myndir Wiebke Rauers
16. Himintungl yfir heimsins ystu brún - Jón Kalman Stefánsson
17. Fíasól í logandi vandræðum - Kristín Helga Gunnarsdóttir,myndir Halldór Baldursson
18. Kúkur, piss og prump - Vísindalæsi 5 - Sævar Helgi Bragason, myndir Elías Rúni
19. Bakað með Láru og Ljónsa - Birgitta Haukdal og Sylvía Haukdal
20. Lykillinn - Kathryn Hughes, þýð. Ingunn Snædal