Enginn Finni í for­múlu 1 í fyrsta sinn í á­tján ár

Valtteri Bottas hefur keyrt formúlubíl síðan 2013 en hann fær ekki nýjan samning hjá Sauber.

Þetta verður því hans eina ár hjá Sauber því þar á undan var hann hjá Alfa Romeo.

Bottas er 35 ára gamall og hefur unnið tíu keppnir á ferlinum og 67 sinnum komist á verðlaunapall.

Bottas náði bestum árangri 2019 og 2020 þegar hann endaði í öðru sæti á eftir Lewis Hamilton bæði árin. Hann varð einnig þriðji í keppni ökumanna tvisvar sinnum eða árin 2017 og 2021.

Bottas náði ekki að verða heimsmeistari en því hafa þrír Finnar náð. Mika Häkkinen vann 1998 og 1999, Kimi Räikkönen vann árið 2007 og Keke Rosberg varð fyrsti Finninn til að vinna árið 1982.