Hlúa að heilsunni í infrarauðum hita í skamm­deginu

Ari Steinn segir heilsusamlegan ávinning mikinn af infrarauðum hita á líkamann. Þá gefi stund í klefanum kærkomið frí frá áreiti umhverfisins.

„Inni í klefanum erum við ekki með símann og ekki með sjónvarpið og getum hugleitt í ró. Þetta er frábær leið til að slappa af eftir vinnu eða skólann og gefur manni hugarró. Við mælum með þessu á kvöldin fyrir svefninn og best er að nota klefann á hverjum degi í stuttan tíma frekar en einu sinni í viku lengur í senn.

Infrarauður hiti mýkir vöðva og liði, við svitnum og fáum hjartað til að pumpa svolítið. Þetta er frábært við vöðvabólgu og gigt.

Það er einfalt að koma því inn í rútínu hjá sér að fara í klefann á hverju kvöldi fyrir svefninn eða á morgnana, það er líka gott að hefja daginn á þessu og þá er frábært að fara í klefann eftir æfingu,“ segir Ari Steinn.

Plássleysi engin afsökun

Infrarauðu klefana frá Heitirpottar.is er hægt að setja upp í heimahúsi og segir Ari Steinn lítið mál að setja þá upp.

„Klefarnir koma í tilbúnum einingum sem mjög einfalt er að smella saman. Það tekur ekki nema fimmtán mínútur að setja saman minnsta klefann okkar og þarf varla verkfæri til þess. Svo er þeim bara stungið í samband í venjulega innstungu. Það eru einungis allra stærstu klefarnir sem þurfa auka rafvirkjavinnu,“ segir Ari Steinn en Heitirpottar.is selja nokkrar gerðir og stærðir af klefum sem ætlaðir innanhúss. Sá stærsti tekur 3 í sæti en sá minnsti er fyrir einn.

„Við erum með alminnsta infrarauða klefann á markaðnum um allan heim. Við köllum hann Einmana, hann er 90 cm x 70cm og 136 cm á hæð og það er því bara pláss fyrir einn sitjandi mann en við höfum alveg komið tveggja metra manni þarna inn,“ segir Ari Steinn.

„Plássleysi er því engin afsökun fyrir því að fá sér ekki klefa. Við eigum einnig klefa sem passar í horn, eins og hornskápur. Okkur er umhugað að koma heilsu í þjóðina og nú þegar skammdegið tekur yfir og við förum að eyða meiri tíma inni er infrarauður klefi frábær kostur heimavið.“