Sigurður Ingi mætir í Sam­talið á ólgutímum

Það verður af nógu að taka í Samtalinu í dag. Ríkisstjórnin sprakk með látum á sunnudag og síðan þá tók við undarlegt ferli sem væntanlega lýkur á ríkisráðsfundi á Bessastöðum klukkan 18 í dag. Nýja starfsstjórnin mun ekki njóta meirihluta á Alþingi eftir formlegt brotthvarf Vinstri grænna.

Bjarni Benediktsson forsætisráðherra og Sigurður Ingi hafa stefnt að því að koma  fjárlagafrumvarpi fyrri ríkisstjórnar Bjarna Benediktssonar í gegnum Alþingi. Sigurður Ingi hefur jafnframt lýst áhuga á að koma samgönguáætlun í gegn en hún hefur tafist í um ár.

Ólíklegt verður að telja að þetta takist þar sem ríkisstjórnin þarf nú að semja um afgreiðslu allra mála á Alþingi á þeim örfáuu vikum sem eftir eru fram að kosningum hinn 30. nóvember.

Samtalið er í beinni útsendingu á Vísi og Stöð 2 Vísi klukkan 14:00. Það verður síðan sýnt í opinni dagskrá á Stöð 2 í kvöld að loknum fréttum og Íslandi í dag.