Rafíþróttir

Þór sigraðist á Selum í topp­bar­áttunni

Þórarinn Þórarinsson skrifar
Selir og Þórsarar mættust, jöfn að stigum, á toppi Tölvulistadeildarinnar í Overwatch á laugardaginn en leikar fóru þannig að Þór náði með sigri að lyfta sér upp fyrir andstæðingana og eigna sér efsta sætið.
Selir og Þórsarar mættust, jöfn að stigum, á toppi Tölvulistadeildarinnar í Overwatch á laugardaginn en leikar fóru þannig að Þór náði með sigri að lyfta sér upp fyrir andstæðingana og eigna sér efsta sætið.

Lið Þórs frá Akur­eyri er enn tap­laust í Tölvu­lista­deildinni í Overwatch eftir 2-1 sigur á Selunum frá Sel­fossi í 5. um­ferð þar sem liðin voru jöfn að stigum þegar þau hófu bar­áttuna um fyrsta sætið á laugar­daginn.

Þórsarar hafa því treyst sig í sessi á toppnum með 15 stig en Selirnir eru þó ekki langt undan með 13 stig í 2. sæti.

Guðjón og Guðbergur lýstu tveimur viðureignum í beinni og töldu þær báðar í meira lagi spennandi þar sem í hinum leiknum mættust lið Jötuns og Böðla í botnbaráttunni. Þar tókst Böðlum að landa sínum fyrsta sigri, eru komnir með 5 stig og skilja Jötunn eftir á botninum með 1 stig.

Staða liðanna er því óbreytt frá 4. umferð en Trölli-Loop og Dusty eiga leik til góða og þeir Guðbergur og Guðjón töldu óhætt að fullyrða að deildin sé enn galopin í fjórum efstu sætunum þar sem Dusty og Tröll séu til alls líkleg og gætu byrjað að stríða toppliðum Þórs og Selanna í næstu umferðum.

Staðan í Tölvulistadeildinni í Overwatch eftir leiki helgarinnar í 5. umferð.
Rafíþróttir

Tengdar fréttir

Jötunn og Böðlar berjast í bökkum á botninum

Þrír leikir fóru fram í 4. um­­­ferð Tölvu­lista­­deildarinnar í Overwatch á laugar­­daginn og að henni lokinni er lið Þórs enn í efsta sæti eftir 3-0 sigur á Jötni í „svaka­legum leik“ eins og Óskar og Guð­ný Stefanía orðuðu það í beinni út­sendingu frá um­ferðinni.

Mest lesið




×

Mest lesið