Góm­sætar haustkökur að hætti Elenoru

Elenora segir kökurnar vera jafn einfaldar í framkvæmd og þær eru ómótstæðilegar á bragðið.

„Þessar hrís- og súkkulaðibitakökur eru með þrenns konar súkkulaði, fullkomin haustbakstur. Stökkar að utan og mjúkar að innan með fullkomnu krönsi frá stökku hrís kúlunum! Geggjaðar nýkomnar úr ofninum með ískaldri mjólk.“

Hráefni

150 g smjör, við stofuhita

80 g púðursykur

100 g sykur

1 egg

230 g hveiti

1/3 tsk matarsódi

1/4 tsk salt

100 g saxað suðusúkkulaði

100 g saxað Rís og saltkaramellu súkkulaði

100 g hrískúlur

Aðferð

Þeytið saman sykur og smjör þar til létt og ljóst.

Bætið egginu saman við og þeytið áfram vel þar til létt og eggið hefur blandast vel saman við.

Bætið næst öllum þurrefnum saman við og hrærið þar til rétt komið saman.

Að líkum er súkkulaðinu bætt saman við.

Skiptið deiginu jafn niður í jafnstórar kökur og rúllið köku deigið í höndunum.

Setjið deigkúlurnar inn í ískáp í hálftíma til klukkutíma.

Takið út úr ísskápnum, raðið á plötu og bakið í 10-12 mínútur við 190*C.

Leyfið kökunum að kólna aðeins þegar þær koma út úr ofninum og njótið svo með ískaldri mjólk eða heitum kakóbolla.🫶🕯️