Handbolti

Viggó og Andri Már öflugir í sigri Leipzig

Runólfur Trausti Þórhallsson skrifar
Viggó átti flottan leik að venju.
Viggó átti flottan leik að venju. Hendrik Schmidt/Getty Images

Lærisveinar Rúnars Sigtryggssonar í Íslendingaliði Leipzig byrjar þýsku úrvalsdeild karla í handbolta á frábærum níu marka sigri á Stuttgart, lokatölur 33-24. Viggó Kristjánsson og Andri Már Rúnarsson áttu báðir góðan leik í liði Leipzig.

Leikurinn var jafn framan af fyrri hálfleik en undir lok hans skoruðu heimamenn í Leipzig tvö mörk í röð og voru þremur mörkum yfir í hálfleik, staðan þá 15-12. Í síðari hálfleik bættu leikmenn Leipzig enn frekar í og stungu einfaldlega af.

Munurinn var fljótlega kominn upp í níu mörk og þó gestunum tækist að minnka hann niður í sex þá komust þeir ekki nær og lauk leiknum með frábærum sigri Leipzig, 33-24.

Viggó skoraði fjögur mörk og gaf eina stoðsendingu á meðan Andri Már skoraði tvö mörk og gaf fjórar stoðsendingar.

Handbolti Þýski handboltinn

Mest lesið


Fleiri fréttir

Sjá meira


×

Mest lesið