Í frétt breska ríkisútvarpsins um málið segir að óttast sé að tala látinna muni hækka en á annan tug voru fluttir á sjúkrahús með alvarleg brunasár.
Upptök eldsins eru ókunn að svo stöddu en rannsakendur eru komnir á vettvang að sögn talsmanns lögregluyfirvalda á svæðinu.
Eldsvoðar í grunnskólum Kenía eru svo algengir að talað hefur verið um þá sem faraldur. Árið 2017 létust tíu stúlkur þegar kveikt var í stúlknagrunnskóla í Nairobi, höfuðborg landsins, og fyrir rúmum tveimur áratugum létust 67 nemendur þegar kviknaði skóla í Machakos suðaustur af höfuðborginni.
