Rashford var í byrjunarliði United en gerði lítið þær 65 mínútur sem hann var inni á vellinum. United tapaði leiknum, 2-1.
Í Match of the Day í gær gagnrýndi Shearer Rashford fyrir að lesa leikinn ekki nógu vel þegar hann var dæmdur rangstæður í tvígang. Þáttastjórnandinn Gary Lineker reyndi að koma Rashford til varnar en Shearer sagði einfaldlega að hann yrði að gera betur.
„Já, hann er ekki krakki lengur. Hann verður að lesa í stöðuna og sjá allan völlinn. Þá ættirðu ekki að vera rangstæður,“ sagði Shearer.
Eftir frábært tímabil 2022-23 hefur Rashford ekki náð sér á strik og skoraði aðeins sjö deildarmörk á síðasta tímabili.
