Kvartar enn til um­boðs­manns

Frá þessu er greint í Morgunblaðinu í dag. 

Í kvört­un­ar­bréfi Hvals til umboðsmanns seg­i Að málsmeðferð ráðherr­ans hafi ein­kennst af „skipu­lagðri óskil­virkni“ og á það bent að ráðherra hefði ít­rekað sagst vera að skoða og meta málið, bíða eft­ir gögn­um og um­sögn­um o.s.frv., en á sama tíma hefðu þó eng­ar slík­ar beiðnir verið úti­stand­andi.

Umboðsmaður komst að þeirri niðurstöðu í janúar á þessu ári að reglugerð Svandísar Svavarsdóttur, þáverandi matvælaráðherra um frestun upphafs hvalveiða síðasta sumar hafi ekki átt sér nægilega skýra stoð í lögum um hvalveiðar.

Bjarkey Olsen Gunnarsdóttir, sem tók við sem matvælaráðherra af Svandísi, veitti síðan Hval hf. veiðileyfi til veiða á langreyðum í júní á þessu ári. 

Hvalur hf. telur að verulegir annamarkar hafi verið á stjórnsýslu ráðherrans og ráðuneytisins og málsmeðferðin ekki í samræmi við gildandi lög, meginreglur stjórnsýsluréttar og vandaða stjórnsýsluhætti. Dregið hafi verið úr öllum fyrirsjáanleika við rekstur fyrirtækisins og stjórnsýslan fari gegn gildandi framkvæmd og fyrri umfjöllun um úthlutun leyfa.

Sjórnsýslan, virt í heild, miði augljóslega að því að koma í veg fyrir hvalveiðar eða þrengja verulega að þeim. Slík háttsemi sé þvert á stjórnarskrárvarin réttindi félagsins og gildandi lög.