Svona verða hátíðarhöldin á fimmtudaginn Kolbeinn Tumi Daðason skrifar 30. júlí 2024 16:54 Halla Tómasdóttir verðandi forseti með fjölskyldu sinni á kosningakvöld þann 1. júní þegar sigur var í höfn. Vísir/Vilhelm Vikivaki verður sunginn í Dómkirkjunni, Vetrarsól í Alþingishúsinu og almenningur getur fylgst með af risaskjá á Austurvelli. Dagskráin fyrir innsetningarathöfn Höllu Tómasdóttur liggur fyrir. Athöfnin fer fram í Dómkirkjunni og Alþingishúsinuog hefst dagskrá klukkan 15:30. Almenningur er boðinn velkominn á Austurvöll til að fylgjast með athöfninni og fagna nýjum forseta. Þar verða settir upp skjáir svo þeir sem þar eru staddir geti fylgst með því sem fram fer. Að loknu drengskaparheiti minnist forseti Íslands fósturjarðarinnar af svölum þinghússins. Þá verður Smiðjan, nýtt skrifstofuhúsnæði Alþingis, í fyrsta sinn nýtt að lokinni embættistöku forseta Íslands fyrir gesti athafnarinnar. Smiðjan var tekin í notkun um síðustu áramót, en við fyrri embættistökur hefur móttakan farið fram í Alþingishúsinu. Eins og fram hefur komið hefur Halla Tómasdóttir boðið rúmlega hundrað manns til embættistökunnar sem mun fylgjast með innsetningunni í sal í Smiðju. Gestalistann má sjá í fréttinni að neðan. Þingmenn, ráðherrar, fyrri forsetar og aðrir gestir í þingsal munu svo sameinast gestum Höllu í móttöku í Smiðju að athöfn lokinni. Helgistund í Dómkirkjunni Biskup Íslands frú Agnes Sigurðardóttir og Séra Sveinn Valgeirsson sóknarprestur í Dómkirkjunni leiða stundina. Guðmundur Sigurðsson er dómorganisti, Dómkórinn í Reykjavík syngur, Sigríður Thorlacius syngur einsöng með Skólakór Kársnes. Stjórnandi er Þórunn Björnsdóttir. Forspil – innganga: Syngið Drottni söng nýjan, -sálmforleikur fyrir orgel yfir íslenskt þjóðlag. Smári Ólason Signing Ég byrja reisu mín, Jesú, í nafni þín, höndin þín helg mig leiði, úr hættu allri greiði. Jesús mér fylgi’ í friði með fögru englaliði. - Í voða, vanda’ og þraut vel ég þig förunaut, yfir mér virstu vaka og vara á mér taka. Jesús mér fylgi’ í friði með fögru englaliði. - Mitt hjartans trúartraust til þín er efalaust, að mér með miskunn skærri munir þú vera nærri. Jesús mér fylgi’ í friði með fögru englaliði. Sálmur: Íslenskt þjóðlag – Hallgrímur Pétursson. Kórútsetning Smári Ólason Kollekta Englar hæstir, andar stærstir, allir lofi Drottins nafn. Allt sem andar, allt sem lifir, uppi, niðri, himnum yfir dýrki, lofi Drottins nafn. - Himinn fagur, hver einn dagur, hver ein nótt með stjörnusafn, stormar, þrumur, hvað sem hræðir, hvað sem vekur, örvar, glæðir lofi Herrans heilagt nafn. - Æðstum Drottni aldrei þrotni eilíft lof og þakkargjörð. Syngið feður, syngið mæður, syngið niðjar, menn og bræður. Heiðri Drottin hæð og jörð. Kórsöngur: Þorkell Sigurbjörnsson – John. S. Blackie / Matthías Jochumsson Guðspjall: Matt.7. 24-27 Festingin víða, hrein og há og himinbjörtu skýin blá og logandi hvelfing ljósum skírð, þið lofið skaparans miklu dýrð. Og þrautgóða sól er dag frá degi Drottins talar um máttarvegi, ávallt birtir þú öll um lönd almættisverk úr styrkri hönd. - Og þótt um helga þagnarleið þreyti vor jörð hið dimma skeið og enga rödd og ekkert hljóð uppheimaljósin sendi þjóð, skynsemi vorrar eyrum undir allar hljómar um næturstundir lofsöngur þeirra, ljóminn hreinn: Lifandi Drottinn skóp oss einn. Sálmur: Atli Heimir Sveinsson – Joseph Addison / Jónas Hallgrímsson. Kórútsetning: Hildigunnur Rúnarsdóttir Hugleiðing frá altari Einsöngur og kór: Vikivaki Valgeir Guðjónsson – Jóhannes úr Kötlum Bæn – Faðir vor Blessun Ísland ögrum skorið, eg vil nefna þig sem á brjóstum borið og blessað hefur mig fyrir skikkan skaparans. Vertu blessað, blessi þig blessað nafnið hans. Ísland ögrum skorið, eg vil nefna þig :,: sem á brjóstum borið og blessað hefur mig. :,: Sálmur: Sigvaldi Kaldalóns – Eggert Ólafsson Eftirspil: Lofið vorn Drottin, sálmforleikur fyrir orgel Páll Ísólfsson Athöfn í Alþingishúsinu Einsöngur: Vetrarsól (Sigríður Thorlacius) eftir Gunnar Þórðarson – Ólafur Haukur Símonarson Tómas Jónsson og Ómar Guðjónsson spila undir Lýst forsetakjöri Drengskaparheit unnið Forseti Íslands minnist fósturjarðarinnar af svölum þinghússins Ávarp forseta Íslands Þjóðsöngur Íslendinga (Dómkórinn í Reykjavík) e. Sveinbjörn Sveinbjörnsson – Matthías Jochumsson Halla Tómasdóttir Forseti Íslands Alþingi Guðni Th. Jóhannesson Mest lesið „Ég hélt ekki að ég ætti eftir að upplifa svona rosalegt bakslag“ Innlent Brennur fyrir borgarhönnun og sárnaði að vera kölluð hræsnari Innlent Hafði komið sér fyrir í varðskipinu án leyfis Innlent Verkfall flugumferðarstjóra hafið Innlent Gaf í skyn gróft kynlíf, gekk í skrokk á konu og dæmdur í fimm ára fangelsi Innlent Nemendur gangi ítrekað í skrokk á kennurum Innlent Trump sagður hafa þrýst á Selenskí að gefa eftir land Erlent Samkomulag við Þjóðverja eigi að tryggja varnir og öryggi Íslendinga Innlent Segir vopnahlé enn í gildi á Gasa Erlent Tuttugu ára stjórn sósíalista í Bólivíu á enda Erlent Fleiri fréttir Gaf í skyn gróft kynlíf, gekk í skrokk á konu og dæmdur í fimm ára fangelsi „Ég hélt ekki að ég ætti eftir að upplifa svona rosalegt bakslag“ Hafði komið sér fyrir í varðskipinu án leyfis Brennur fyrir borgarhönnun og sárnaði að vera kölluð hræsnari Verkfall flugumferðarstjóra hafið Samkomulag við Þjóðverja eigi að tryggja varnir og öryggi Íslendinga Rödd Íslendinga í hinsegin baráttu hafi aldrei verið mikilvægari 105 ára boccia meistari í vesturbæ Reykjavíkur Nemendur gangi ítrekað í skrokk á kennurum Nemendur ganga í skrokk á kennurum og kjaradeila enn í hnút Lögregla aðstoðaði við að vísa gestum út af hóteli í 105 Þáttur Trumps gífurlega mikilvægur „Barnið mitt dó á ykkar vakt“ „Málið er fast“ Byggja þarf 5.500 íbúðir á Suðurlandi á næstu 10 árum „Stutt síðan að þeir voru í aðgerðum og ollu þar miklu tjóni“ Verkfallið vonbrigði og grímuklæddir glæpamenn í Louvre Eitt flug á áætlun á verkfallstíma Sprengisandur: Sigurður Ingi hættir, gervigreindarkapphlaup og vaxtamálið Sundabrú minnir á helsta kennileiti Norður-Noregs Kallar eftir handleiðslu og sálgæslu fyrir viðbragðsaðila Verulega áhyggjufull og þorir ekki heim til Bandaríkjanna Breytingar á forystu Framsóknar og fjöldamótmæli vestanhafs Lilja Rannveig nýr ritari Framsóknarflokksins Aðgerðir flugumferðarstjóra muni bitna á fjölda fólks „Það er óákveðið“ „Ég hef aldrei skorast undan ábyrgð“ Býður sig ekki fram til áframhaldandi formennsku Allt bendir til verkfalls Bein útsending: Haustfundur miðstjórnar Framsóknarflokksins Sjá meira
Athöfnin fer fram í Dómkirkjunni og Alþingishúsinuog hefst dagskrá klukkan 15:30. Almenningur er boðinn velkominn á Austurvöll til að fylgjast með athöfninni og fagna nýjum forseta. Þar verða settir upp skjáir svo þeir sem þar eru staddir geti fylgst með því sem fram fer. Að loknu drengskaparheiti minnist forseti Íslands fósturjarðarinnar af svölum þinghússins. Þá verður Smiðjan, nýtt skrifstofuhúsnæði Alþingis, í fyrsta sinn nýtt að lokinni embættistöku forseta Íslands fyrir gesti athafnarinnar. Smiðjan var tekin í notkun um síðustu áramót, en við fyrri embættistökur hefur móttakan farið fram í Alþingishúsinu. Eins og fram hefur komið hefur Halla Tómasdóttir boðið rúmlega hundrað manns til embættistökunnar sem mun fylgjast með innsetningunni í sal í Smiðju. Gestalistann má sjá í fréttinni að neðan. Þingmenn, ráðherrar, fyrri forsetar og aðrir gestir í þingsal munu svo sameinast gestum Höllu í móttöku í Smiðju að athöfn lokinni. Helgistund í Dómkirkjunni Biskup Íslands frú Agnes Sigurðardóttir og Séra Sveinn Valgeirsson sóknarprestur í Dómkirkjunni leiða stundina. Guðmundur Sigurðsson er dómorganisti, Dómkórinn í Reykjavík syngur, Sigríður Thorlacius syngur einsöng með Skólakór Kársnes. Stjórnandi er Þórunn Björnsdóttir. Forspil – innganga: Syngið Drottni söng nýjan, -sálmforleikur fyrir orgel yfir íslenskt þjóðlag. Smári Ólason Signing Ég byrja reisu mín, Jesú, í nafni þín, höndin þín helg mig leiði, úr hættu allri greiði. Jesús mér fylgi’ í friði með fögru englaliði. - Í voða, vanda’ og þraut vel ég þig förunaut, yfir mér virstu vaka og vara á mér taka. Jesús mér fylgi’ í friði með fögru englaliði. - Mitt hjartans trúartraust til þín er efalaust, að mér með miskunn skærri munir þú vera nærri. Jesús mér fylgi’ í friði með fögru englaliði. Sálmur: Íslenskt þjóðlag – Hallgrímur Pétursson. Kórútsetning Smári Ólason Kollekta Englar hæstir, andar stærstir, allir lofi Drottins nafn. Allt sem andar, allt sem lifir, uppi, niðri, himnum yfir dýrki, lofi Drottins nafn. - Himinn fagur, hver einn dagur, hver ein nótt með stjörnusafn, stormar, þrumur, hvað sem hræðir, hvað sem vekur, örvar, glæðir lofi Herrans heilagt nafn. - Æðstum Drottni aldrei þrotni eilíft lof og þakkargjörð. Syngið feður, syngið mæður, syngið niðjar, menn og bræður. Heiðri Drottin hæð og jörð. Kórsöngur: Þorkell Sigurbjörnsson – John. S. Blackie / Matthías Jochumsson Guðspjall: Matt.7. 24-27 Festingin víða, hrein og há og himinbjörtu skýin blá og logandi hvelfing ljósum skírð, þið lofið skaparans miklu dýrð. Og þrautgóða sól er dag frá degi Drottins talar um máttarvegi, ávallt birtir þú öll um lönd almættisverk úr styrkri hönd. - Og þótt um helga þagnarleið þreyti vor jörð hið dimma skeið og enga rödd og ekkert hljóð uppheimaljósin sendi þjóð, skynsemi vorrar eyrum undir allar hljómar um næturstundir lofsöngur þeirra, ljóminn hreinn: Lifandi Drottinn skóp oss einn. Sálmur: Atli Heimir Sveinsson – Joseph Addison / Jónas Hallgrímsson. Kórútsetning: Hildigunnur Rúnarsdóttir Hugleiðing frá altari Einsöngur og kór: Vikivaki Valgeir Guðjónsson – Jóhannes úr Kötlum Bæn – Faðir vor Blessun Ísland ögrum skorið, eg vil nefna þig sem á brjóstum borið og blessað hefur mig fyrir skikkan skaparans. Vertu blessað, blessi þig blessað nafnið hans. Ísland ögrum skorið, eg vil nefna þig :,: sem á brjóstum borið og blessað hefur mig. :,: Sálmur: Sigvaldi Kaldalóns – Eggert Ólafsson Eftirspil: Lofið vorn Drottin, sálmforleikur fyrir orgel Páll Ísólfsson Athöfn í Alþingishúsinu Einsöngur: Vetrarsól (Sigríður Thorlacius) eftir Gunnar Þórðarson – Ólafur Haukur Símonarson Tómas Jónsson og Ómar Guðjónsson spila undir Lýst forsetakjöri Drengskaparheit unnið Forseti Íslands minnist fósturjarðarinnar af svölum þinghússins Ávarp forseta Íslands Þjóðsöngur Íslendinga (Dómkórinn í Reykjavík) e. Sveinbjörn Sveinbjörnsson – Matthías Jochumsson
Halla Tómasdóttir Forseti Íslands Alþingi Guðni Th. Jóhannesson Mest lesið „Ég hélt ekki að ég ætti eftir að upplifa svona rosalegt bakslag“ Innlent Brennur fyrir borgarhönnun og sárnaði að vera kölluð hræsnari Innlent Hafði komið sér fyrir í varðskipinu án leyfis Innlent Verkfall flugumferðarstjóra hafið Innlent Gaf í skyn gróft kynlíf, gekk í skrokk á konu og dæmdur í fimm ára fangelsi Innlent Nemendur gangi ítrekað í skrokk á kennurum Innlent Trump sagður hafa þrýst á Selenskí að gefa eftir land Erlent Samkomulag við Þjóðverja eigi að tryggja varnir og öryggi Íslendinga Innlent Segir vopnahlé enn í gildi á Gasa Erlent Tuttugu ára stjórn sósíalista í Bólivíu á enda Erlent Fleiri fréttir Gaf í skyn gróft kynlíf, gekk í skrokk á konu og dæmdur í fimm ára fangelsi „Ég hélt ekki að ég ætti eftir að upplifa svona rosalegt bakslag“ Hafði komið sér fyrir í varðskipinu án leyfis Brennur fyrir borgarhönnun og sárnaði að vera kölluð hræsnari Verkfall flugumferðarstjóra hafið Samkomulag við Þjóðverja eigi að tryggja varnir og öryggi Íslendinga Rödd Íslendinga í hinsegin baráttu hafi aldrei verið mikilvægari 105 ára boccia meistari í vesturbæ Reykjavíkur Nemendur gangi ítrekað í skrokk á kennurum Nemendur ganga í skrokk á kennurum og kjaradeila enn í hnút Lögregla aðstoðaði við að vísa gestum út af hóteli í 105 Þáttur Trumps gífurlega mikilvægur „Barnið mitt dó á ykkar vakt“ „Málið er fast“ Byggja þarf 5.500 íbúðir á Suðurlandi á næstu 10 árum „Stutt síðan að þeir voru í aðgerðum og ollu þar miklu tjóni“ Verkfallið vonbrigði og grímuklæddir glæpamenn í Louvre Eitt flug á áætlun á verkfallstíma Sprengisandur: Sigurður Ingi hættir, gervigreindarkapphlaup og vaxtamálið Sundabrú minnir á helsta kennileiti Norður-Noregs Kallar eftir handleiðslu og sálgæslu fyrir viðbragðsaðila Verulega áhyggjufull og þorir ekki heim til Bandaríkjanna Breytingar á forystu Framsóknar og fjöldamótmæli vestanhafs Lilja Rannveig nýr ritari Framsóknarflokksins Aðgerðir flugumferðarstjóra muni bitna á fjölda fólks „Það er óákveðið“ „Ég hef aldrei skorast undan ábyrgð“ Býður sig ekki fram til áframhaldandi formennsku Allt bendir til verkfalls Bein útsending: Haustfundur miðstjórnar Framsóknarflokksins Sjá meira