Fjórir létust í lestar­slysi í Tékk­landi

Farþegalestin skall á flutningalest en tildrög slyssins liggja ekki fyrir að svo stöddu. Viðbragðsaðilar staðfestu það í nótt að fjórir hefðu látið lífið í slysinu. Enn er unnið að því að bera kennsl á alla farþega sem skráðir voru á farþegalista lestarinnar.

Innviðaráðherra Tékklands Vit Rakusan tjáði fjölmiðlum að flest meiðsli farþega væru væg og að unnið væri að flutningi allra farþega með rútum. 

Lestin var á leið frá Prag til úkraínsku borgarinnar Chop, skammt frá landamærum Úkraínu og Slóvakíu. Miklar tafir verða á lestarkerfinu í dag vegna rannsóknar á slysinu.