Hector tryggði eiganda sínum verðlaunin.SARAH HASKELL/COMEDY PETS
Dómarar hinnar árlegu gæludýraljósmyndakeppni Comedy Pet Photo Awards hafa valið bestu myndir ársins. Myndirnar voru í hópi þrjátíu mynda sem kepptu til úrslita í ár.
Um er að ræða kostuglegar myndir af dýrum í allskyns aðstæðum. Þetta árið er sigurvegarinn Sara Haskell sem náði mynd af hundinum sínum Hector reyna að troða sér í gegnum kattalúgu.
„Hector sá köttinn fara þarna út og ákvað að prófa. Hann komst ekki lengra en þetta áður en hann varð að bakka. Ég ímyndaði mér hann hugsa: „Já en kötturinn gat þetta!“ er haft eftir Söruh í tilkynningu frá skipuleggjendum keppninnar.
Um er að ræða fimmta skiptið sem keppnin fer fram. Hún er haldin árlega og er ætlað að vekja athygli á dýravernd og safna peningum fyrir dýraverndarsamtök. Sömu aðilar eru að baki dýralífsljósmyndakeppninni Comedy Wildlife Photography Awards. Átta myndir voru auk þess valdar til verðlauna þar sem þær þóttu bera af öðrum.
Vinningsljósmynd heilt yfir og í hundaflokki
Hann Hector uppgötvaði of seint að hann er nokkuð stærri en heimiliskötturinn.SARAH HASKELL/COMEDY PETS
Vinningsljósmynd í kattaflokki
Köttur í Japan sem virðist vera í Super Mario leik.KENICHI MORINAGA/COMEDY PETS
Vinningsljósmynd í hestaflokki
Það eru greinilega ekki bara hundar heldur líka hestar sem geta flogið.DEBBY THOMAS/COMEDY PETS
Vinningsljósmynd í flokki allra annarra gæludýra
Edgar skjaldbaka elskar að borða blóm og eigendur hans náðu þessari geggjuðu mynd. JONATHAN CASEY/COMEDY PETS
Vinningsljósmynd teknar af krökkum
Hin sextán ára gamla Charlotte Kitchen tók þessa af breska asnanum Benji sem er ótrúlegt en satt að geispa á þessari mynd en ekki hlæja. CHARLOTTE KITCHEN/COMEDY PETS
Vinningsljósmynd af gæludýrum sem líta út eins og eigendurnir
Hvor er hvað?DARYA ZELENTSOVA/COMEDY PETS Grín og gaman Dýr Ljósmyndun Gæludý
Átta myndir af gæludýrum sem þóttu bera af
Er þetta fugl? Er þetta flugvél? Er þetta Superman? Nei, þetta er lítill fljúgandi hundur.JULIE SMITH/COMEDY PETSSkuggalegir varðkettir.EMMA BEARDSMORE/COMEDY PETSÞessi mynd er væntanlega frá tökum kvikmyndar um Kung fu hund.SYLVIA MICHEL/COMEDY PETSÞessi mynd af bersýnilega snaróðum hundi ber titilinn Dancing Queen.VERA FAUPEL/COMEDY PETSEinhvern veginn rataði þessi náttúrumynd í keppnina. Það á víst að vera hundur á henni.SYLVIA MICHEL/COMEDY PETSEnginn segir köttum hvað þeir eiga að gera.ATSUYUKI OHSHIMA/COMEDY PETSPsst, þú heyrðir það ekki frá mér en ...KENICHI MORINAGA/COMEDY PETSNick Barry finnst ekki gaman í myndatökum.LUIZA RIBEIRO DE OLIVEIRA/COMEDY PETS
Ljósmyndasamkeppnin Comedy wildlife photography awards 2024 er hafin. Um árlega keppni er að ræða þar sem fólk um allan heim sendir inn þúsundir fyndnar ljósmyndir sem það fangar í náttúrunni.
Forsvarsmenn hinnar árlegu ljósmyndakeppni Comedy Wildlife Photography Awards birtu nýverið þær myndir sem keppa til úrslita í ár. Myndirnar sýna villt dýr við skondnar og oft undarlegar aðstæður.
