Það er mikill munur á þeim sem vanda sig og hinum sem vanda sig ekki Sigurður G. Guðjónsson skrifar 8. maí 2024 10:01 Forsvarsmenn íslenskra spilafyrirtækja draga reglulega nafn spilafyrirtækisins Betsson inn í umræðu um ólögmæta spilastarfsemi hér á landi og leggja starfsemi þess að jöfnu við starfsemi annars erlends spilafyrirtækis, sem reynt hefur að hasla sér völl hér á landi með aðstoð og atbeina skemmtikrafta og áhrifavalda. Þó starfsemi Betsson spilafyrirtækisins sé af sama meiði og annarra spilafyrirtækja íslenskra og erlendra sem bjóða upp á getraunir, leiki og önnur veðmál á netinu er rétt að halda því til haga Betsson stendur bæði hinum íslensku og því erlenda sem reynt hefur að hasla sér hér völl langt um framar þegar kemur að grundvallarþáttum eins og ábyrgri spilamennsku og vörnum gegn peningaþvætti. Rétt eins og á öðrum sviðum athafnalífsins eru til fyrirtæki sem standa illa að málum, ýmist af getuleysi eða ráðnum hug, og svo önnur sem leggja sig fram um að vanda vel til verka. Það síðara á við um skjólstæðing minn, sænska fyrirtækið Betsson sem hvílir á rúmlega 60 ára gömlum grunni og er skráð í kauphöll Nasdaq í Stokkhólmi, með tilheyrandi gagnsæis- og upplýsingaskyldu. Vefsíðan betsson.com er starfrækt af fyrirtækinu BML Group Ltd, sem er með heimili á Möltu.Malta er aðildarríki Evrópusambandsins (ESB) og lúta fyrirtæki með aðsetur þar ströngum reglum ESB um varnir gegn peningaþvætti og fjármögnun hryðjuverka. Fyrirtækið lýtur einnig reglum ESB um gagnsæi og skyldur veðmálafyrirtækja, þar á meðal ber þeim skylda til að framkvæma áreiðanleikakannanir á viðskiptavinum sínum og tilkynna grunsamleg viðskipti.Þessar reglur eru reyndar mun strangari en gilda samkvæmt íslenskum lögum um spila- og happdrættisfyrirtæki. Fagna hertum reglum ESB Betsson starfar innan samtaka sem heita The European Gaming and Betting Association (EGBA) og eru með höfuðstöðvar í Brussel. Fyrirtæki innan vébanda EGBA eru meðal elstu og virtustu fyrirtækja á sínu sviði í álfunni og hafa markað sér stífar vinnureglur um samstarf við stjórnvöld. Árið 2022 beindu til að mynda fyrirtæki innan EGBA 16.825 ábendingum um grunsamlegar færslur til fjármálaeftirlits landa innan ESB.Þegar Evrópuþingið samþykkti nýtt hert regluverk til höfuðs peningaþvætti þann 24. apríl fagnaði EGBA þeirri ákvörðun. Allt annað virðist vera upp á teningnum meðal íslenskra félaga sem reka hér spilakassa. Ár eftir ár hefur embætti Ríkislögreglustjóra bent á í áhættumati sínu um peningaþvætti og fjármögnun hryðjuverka fyrir Ísland, að „veruleg hætta er á því að spilakassar geti verið notaðir til að þvætta fé“ hér á landi og að „vísbendingar“ eru um að það hafi verið gert.Viðbrögð félaganna tveggja sem reka spilakassana, Happdrætti Háskóla Íslands (HHÍ) og Íslandsspil (í eigu Rauða krossins og Landsbjargar) hafa hins vegar verið á þá leið að ríkislögreglustjóri sá enn og aftur ástæðu til að vara við ástandinu í nýjustu skýrslu sinni sem kom út í desember. Gegn spilafíkn Betsson hefur alla tíð lagt ríka áherslu á ábyrga spilamennsku og vinur með Global Gambling Guidance Group (G4), sem vottar spilasíður á Netinu.Betsson býður ýmis tól og leiðir til að koma í veg fyrir óheilbrigða spilamennsku. Gildir það bæði um ráðstafanir sem spilarar geta sjálfir stutt sig við og af hálfu fyrirtækisins, sem hefur samband við spilara ef hugbúnaður félagsins nemur vísbendingar um að spilamennska sé að fara úr böndunum. Ólöglegt fyrir aðila undir 18 ára aldri að opna reikninga og/eða spila fjárhættuspil hjá Betsson. Fyrirtækið áskilur sér rétt til þess að óska eftir sönnun um aldur frá öllum viðskiptavinum sínum og getur lokað reiknigum þangað til viðeigandi gögn hafa borist.Hér er hægt að kynna sér betur þau tól Betsson sem stuðla að ábyrgri spilamennsku. Eru þessar ráðstafanir um eigin ábyrga spilamennsku og möguleg inngrip til að stöðva óheilbrigða spilamennsku mun umfangsmeiri en hjá flestum öðrum vefsíðum, þar á meðal íslensku happdrættis- og getraunafyrirtækjanna. Fyrir hönd Betsson vil ég beina því til fjölmiðla og alls áhugafólks um getraunir og netspilamennsku að gera skýran greinarmun á þeim fyrirtækjum sem gera hlutina illa og þeim fyrirtækjum sem gera þá vel. Það er fjórfrelsi hins evrópska efnahagssvæðis að þakka að Íslendingar eiga val um það hjá hverjum þeir spila á Netinu og við hvaða aðstæður. Ekkert í starfsemi Betsson er ólögmætt eins og ítrekað er haldið fram af forsvarsmönnum íslensku spilafyrirtækjanna. Höfundur er lögmaður. Viltu birta grein á Vísi? Sendu okkur póst. Senda grein Fíkn Fjárhættuspil Mest lesið Lífsskoðunarfélagið Farsæld tekur upp slitinn þráð siðmenntunar Svanur Sigurbjörnsson Skoðun Áfengi og íþróttir eiga enga samleið – áskorun til þingfulltrúa UMFÍ Árni Guðmundsson Skoðun Landbúnaðarrúnk Hlédís Sveinsdóttir Skoðun Eru Bændasamtökin á móti valdeflingu bænda? Ólafur Stephensen Skoðun Hefur þú skoðanir? Jóhannes Óli Sveinsson Skoðun Framtíðarsýn í samgöngumálum er mosavaxin Sigurður Páll Jónsson Skoðun Ruben Amorim og sveigjanleiki – hugleiðingar sálfræðings Andri Hrafn Sigurðsson Skoðun Reykjavíkurmódel á kvennaári Sóley Tómasdóttir Skoðun Opið bréf til Miðflokksmanna Snorri Másson Skoðun Er lægsta verðið alltaf hagstæðast? Karen Ósk Nielsen Björnsdóttir Skoðun Skoðun Skoðun Ríkissjóður snuðaður um stórar fjárhæðir Sigurjón Þórðarson skrifar Skoðun Áfengi og íþróttir eiga enga samleið – áskorun til þingfulltrúa UMFÍ Árni Guðmundsson skrifar Skoðun Lífsskoðunarfélagið Farsæld tekur upp slitinn þráð siðmenntunar Svanur Sigurbjörnsson skrifar Skoðun Ruben Amorim og sveigjanleiki – hugleiðingar sálfræðings Andri Hrafn Sigurðsson skrifar Skoðun Framtíðarsýn í samgöngumálum er mosavaxin Sigurður Páll Jónsson skrifar Skoðun Fimmta iðnbyltingin krefst svara – strax Sigvaldi Einarsson skrifar Skoðun Hefur þú skoðanir? Jóhannes Óli Sveinsson skrifar Skoðun Er hurð bara hurð? Sölvi Breiðfjörð skrifar Skoðun Reykjavíkurmódel á kvennaári Sóley Tómasdóttir skrifar Skoðun Ekki er allt sem sýnist Valerio Gargiulo skrifar Skoðun Sýndu þér umhyggju – Komdu í skimun Ágúst Ingi Ágústsson skrifar Skoðun Eru Bændasamtökin á móti valdeflingu bænda? Ólafur Stephensen skrifar Skoðun Er lægsta verðið alltaf hagstæðast? Karen Ósk Nielsen Björnsdóttir skrifar Skoðun Landbúnaðarrúnk Hlédís Sveinsdóttir skrifar Skoðun Jesús who? Atli Þórðarson skrifar Skoðun Opið bréf til Miðflokksmanna Snorri Másson skrifar Skoðun Lesskilningur eða lesblinda??? Jóhannes Jóhannesson skrifar Skoðun Henti Íslandi undir strætisvagninn Hjörtur J. Guðmundsson skrifar Skoðun Forvarnateymi grunnskóla – góð hugmynd sem má ekki sofna Eydís Ásbjörnsdóttir skrifar Skoðun Opnum Tröllaskagann Helgi Jóhannsson skrifar Skoðun Ávinningur af endurhæfingu – aukum lífsgæðin Ólafur H. Jóhannsson skrifar Skoðun Hefur þú heyrt þetta áður? Stefnir Húni Kristjánsson skrifar Skoðun Hringekja verðtryggingar og hárra vaxta Benedikt Gíslason skrifar Skoðun Áfram gakk – með kerfisgalla í bakpokanum Harpa Þorsteinsdóttir skrifar Skoðun Til þeirra sem fagna Doktornum! Kristján Freyr Halldórsson skrifar Skoðun Skuldin við úthverfin Jóhanna Dýrunn Jónsdóttir skrifar Skoðun Málgögn og gervigreind Steinþór Steingrímsson,Einar Freyr Sigurðsson,Helga Hilmisdóttir skrifar Skoðun Réttlæti hins sterka. Gildra dómarans Jörgen Ingimar Hansson skrifar Skoðun Einelti er dauðans alvara Kolbrún Áslaugar Baldursdóttir skrifar Skoðun Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson skrifar Sjá meira
Forsvarsmenn íslenskra spilafyrirtækja draga reglulega nafn spilafyrirtækisins Betsson inn í umræðu um ólögmæta spilastarfsemi hér á landi og leggja starfsemi þess að jöfnu við starfsemi annars erlends spilafyrirtækis, sem reynt hefur að hasla sér völl hér á landi með aðstoð og atbeina skemmtikrafta og áhrifavalda. Þó starfsemi Betsson spilafyrirtækisins sé af sama meiði og annarra spilafyrirtækja íslenskra og erlendra sem bjóða upp á getraunir, leiki og önnur veðmál á netinu er rétt að halda því til haga Betsson stendur bæði hinum íslensku og því erlenda sem reynt hefur að hasla sér hér völl langt um framar þegar kemur að grundvallarþáttum eins og ábyrgri spilamennsku og vörnum gegn peningaþvætti. Rétt eins og á öðrum sviðum athafnalífsins eru til fyrirtæki sem standa illa að málum, ýmist af getuleysi eða ráðnum hug, og svo önnur sem leggja sig fram um að vanda vel til verka. Það síðara á við um skjólstæðing minn, sænska fyrirtækið Betsson sem hvílir á rúmlega 60 ára gömlum grunni og er skráð í kauphöll Nasdaq í Stokkhólmi, með tilheyrandi gagnsæis- og upplýsingaskyldu. Vefsíðan betsson.com er starfrækt af fyrirtækinu BML Group Ltd, sem er með heimili á Möltu.Malta er aðildarríki Evrópusambandsins (ESB) og lúta fyrirtæki með aðsetur þar ströngum reglum ESB um varnir gegn peningaþvætti og fjármögnun hryðjuverka. Fyrirtækið lýtur einnig reglum ESB um gagnsæi og skyldur veðmálafyrirtækja, þar á meðal ber þeim skylda til að framkvæma áreiðanleikakannanir á viðskiptavinum sínum og tilkynna grunsamleg viðskipti.Þessar reglur eru reyndar mun strangari en gilda samkvæmt íslenskum lögum um spila- og happdrættisfyrirtæki. Fagna hertum reglum ESB Betsson starfar innan samtaka sem heita The European Gaming and Betting Association (EGBA) og eru með höfuðstöðvar í Brussel. Fyrirtæki innan vébanda EGBA eru meðal elstu og virtustu fyrirtækja á sínu sviði í álfunni og hafa markað sér stífar vinnureglur um samstarf við stjórnvöld. Árið 2022 beindu til að mynda fyrirtæki innan EGBA 16.825 ábendingum um grunsamlegar færslur til fjármálaeftirlits landa innan ESB.Þegar Evrópuþingið samþykkti nýtt hert regluverk til höfuðs peningaþvætti þann 24. apríl fagnaði EGBA þeirri ákvörðun. Allt annað virðist vera upp á teningnum meðal íslenskra félaga sem reka hér spilakassa. Ár eftir ár hefur embætti Ríkislögreglustjóra bent á í áhættumati sínu um peningaþvætti og fjármögnun hryðjuverka fyrir Ísland, að „veruleg hætta er á því að spilakassar geti verið notaðir til að þvætta fé“ hér á landi og að „vísbendingar“ eru um að það hafi verið gert.Viðbrögð félaganna tveggja sem reka spilakassana, Happdrætti Háskóla Íslands (HHÍ) og Íslandsspil (í eigu Rauða krossins og Landsbjargar) hafa hins vegar verið á þá leið að ríkislögreglustjóri sá enn og aftur ástæðu til að vara við ástandinu í nýjustu skýrslu sinni sem kom út í desember. Gegn spilafíkn Betsson hefur alla tíð lagt ríka áherslu á ábyrga spilamennsku og vinur með Global Gambling Guidance Group (G4), sem vottar spilasíður á Netinu.Betsson býður ýmis tól og leiðir til að koma í veg fyrir óheilbrigða spilamennsku. Gildir það bæði um ráðstafanir sem spilarar geta sjálfir stutt sig við og af hálfu fyrirtækisins, sem hefur samband við spilara ef hugbúnaður félagsins nemur vísbendingar um að spilamennska sé að fara úr böndunum. Ólöglegt fyrir aðila undir 18 ára aldri að opna reikninga og/eða spila fjárhættuspil hjá Betsson. Fyrirtækið áskilur sér rétt til þess að óska eftir sönnun um aldur frá öllum viðskiptavinum sínum og getur lokað reiknigum þangað til viðeigandi gögn hafa borist.Hér er hægt að kynna sér betur þau tól Betsson sem stuðla að ábyrgri spilamennsku. Eru þessar ráðstafanir um eigin ábyrga spilamennsku og möguleg inngrip til að stöðva óheilbrigða spilamennsku mun umfangsmeiri en hjá flestum öðrum vefsíðum, þar á meðal íslensku happdrættis- og getraunafyrirtækjanna. Fyrir hönd Betsson vil ég beina því til fjölmiðla og alls áhugafólks um getraunir og netspilamennsku að gera skýran greinarmun á þeim fyrirtækjum sem gera hlutina illa og þeim fyrirtækjum sem gera þá vel. Það er fjórfrelsi hins evrópska efnahagssvæðis að þakka að Íslendingar eiga val um það hjá hverjum þeir spila á Netinu og við hvaða aðstæður. Ekkert í starfsemi Betsson er ólögmætt eins og ítrekað er haldið fram af forsvarsmönnum íslensku spilafyrirtækjanna. Höfundur er lögmaður.
Skoðun Áfengi og íþróttir eiga enga samleið – áskorun til þingfulltrúa UMFÍ Árni Guðmundsson skrifar
Skoðun Lífsskoðunarfélagið Farsæld tekur upp slitinn þráð siðmenntunar Svanur Sigurbjörnsson skrifar
Skoðun Málgögn og gervigreind Steinþór Steingrímsson,Einar Freyr Sigurðsson,Helga Hilmisdóttir skrifar
Skoðun Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson skrifar