Enski boltinn

Leik­maður Newcastle tók meira­próf

Ingvi Þór Sæmundsson skrifar
Matt Ritchie hress eftir að hafa staðist meiraprófið.
Matt Ritchie hress eftir að hafa staðist meiraprófið.

Matt Ritchie, leikmaður Newcastle United, virðist vera farinn að huga að lífinu eftir að skórnir fara á hilluna. Hann hefur nefnilega tekið meirapróf.

Ritchie náði sér í svokölluð C-réttindi sem þýðir að hann má keyra vörubíla að atvinnu. 

Skotinn er ekki hættur og ætlar að mennta sig enn frekar á þessu sviði. Það er því spurning hvort hann keyri ekki hreinlega liðsrútuna hjá Newcastle á næsta tímabili því samningur hans við félagið rennur út í sumar.

Ritchie, sem er 34 ára, hefur verið notaður sparlega í vetur og aðeins tekið þátt í ellefu leikjum í ensku úrvalsdeildinni.

Newcastle er í 7. sæti deildarinnar. Liðið mætir botnliði Sheffield United á morgun.

Enski boltinn Bílar

Mest lesið


Fleiri fréttir

Sjá meira


×

Mest lesið