Menntakerfið - lykill að inngildingu Hólmfríður Jennýjar Árnadóttir og Álfhildur Leifsdóttir skrifa 21. apríl 2024 15:01 Breytt samfélagsgerð kallar á breyttar áherslur hvort sem okkur líkar betur eða verr. Það getur varðaði fjölbreyttara samfélag, fjölmenningu eða hvers kyns aðrar breytingar sem heimurinn er að ganga í gegnum og þær áskoranir sem þeim fylgja. Það er því mikilvægt að öll sveitarfélög séu með skýra og markvissa stefnu um hvernig þau taka á móti nýjum innflytjendum sem kjósa að dvelja þar í skemmri eða lengri tíma. Annars vegar er það fólk sem kemur hingað til lands til að starfa hérlendis og hins vegar sá hópur sem óskar eftir alþjóðlegri vernd. Leiðarstefið á alltaf að vera mannvirðing og metnaður. Virðing fyrir manneskjunni og fjölbreytileika hennar og metnaður til að gera sífellt betur. Að vera hluti af heild Það er mikilvægt að nýir íbúar finni að það gert sé ráð fyrir þeim í öllu skipulagi og að þau geti á eigin tungumáli nálgast aðstoð á meðan þau læra íslensku. Að geta kynnst menningu núverandi heimalands og sótt upplýsingar um hvaðeina sem óskað er vegur þungt hvað varðar inngildingu og samsömun. Að geta lesið sér til um reglur og siði og að geta átt samtal um allskonar vegamikla þætti er varða menntun, heilsugæslu og almenn réttindi í samfélaginu er afar mikilvægt í lýðræðisríki. Slíkt þarf að eiga sér stað strax og þar má tungumálið ekki hindra, enda ætti aukin tækni að gera það mun auðveldara nú en áður. Í umhverfi þar sem línur eru óskýrar og óvissa um hver réttur og skyldur fólks eru og getur skapast óöryggi. Það gengur því ekki að taka á móti fólki án þess að hafa skipulag, markmið og leiðir á aðgengilegan hátt fyrir öll. Í stefnu Vinstrihreyfingarinnar græns framboðs segir að allir nemendur eigi rétt á að læra móðurmálið sitt. Það á við um börn sem eiga táknmál að móðurmáli, innflytjendur og börn þeirra sem þurfa bæði að njóta kennslu í móðurmáli sínu og íslensku. Grunnur að íslenskufærni er sóttur til móðurmáls og á tímum tækni og aukinnar hnattvæðingar ætti að vera hægur leikur að börn haldi móðurmáli sínu við um leið og þau læra íslensku. Þátttaka og samsömun Auka þarf stuðning í grunnskólum er varðar íslenskukennslu, félagsfærni og samfélagsfræði. Rannsóknir sýna að líðan ungmenna hefur versnað og er mikilvægt er að greina það og bregðast við því mögulega er hluti þeirra ungmenna innflytjendur sem þarna kalla eftir aðstoð. Við getum gert betur hvað varðar þátttöku barnungra innflytjenda í tómstundum og félagsstarfi og gætt þess að þau upplifi sig tilheyra og geti fundið áhugamálum og styrkleikum sínum farveg. Að fá tækifæri til þátttöku og finna sig sem hluta af heild er gríðarlega mikilvægt. Félagsmiðstöðvar, ungmennahús og íþróttafélög þurfa að taka mið að þörfum ólíkra hópa, skapa fleiri tækifæri til þátttöku í samfélaginu og huga að lágþröskulda þjónustu í nærumhverfi barna og ungmenna. Þá þarf markvissar aðgerðir og forvarnir gegn brotthvarfi innflytjenda úr framhaldsskólum með aukinn stuðning í forgrunni án þess að draga úr gæðum náms. Að læra íslensku Lykillinn að hverju samfélagi er tungumál þess. Því er mikilvægt að íslenskunám verði hluti af almennum rétti launafólks nú þegar sífellt stærri hluti á vinnumarkaði eru einstaklingar með íslensku sem annað mál, eða jafnvel það þriðja eða fjórða. Markviss tungumála- og samfélagskennsla þarf að eiga sér stað til að auka líkur á samsömun og vellíðan fyrir öll. Ekki aðeins fyrir innflytjendur, sem með því öðlast aukið öryggi og skilning á íslensku samfélagi, heldur einnig fyrir okkur sem fyrir eru. Að vita til þess að íslenska er tungumálið okkar allra og lykillinn að samfélaginu. Aðgengi að gæða íslenskunámi þarf að vera til staðar fyrir öll, íslenskunám sem mætir þörfum mismunandi hópa. Sum þurfa að fá svigrúm í atvinnulífinu, önnur þurfa að fá tækifæri og aðgang að íslenskukennslu þegar þau þiggja fjárhagsaðstoð. Til að fá endurnýjun á dvalarleyfi og ríkisborgararétt þarf að taka ákveðinn fjölda íslenskutíma og þar þarf að efla bæði námið og námsgögnin. Möguleikar á starfstengdu námi tengt vettvangi er einnig ein leið sem hafa má í huga. Á ráðstefnu Sveitarstjórnarráðs Vinstrihreyfingarinnar græns framboðs, Máttur menntunar, á dögunum flutti dr. Sigríður Ólafsdóttir erindið: Börn og ungmenni af erlendum uppruna í íslenskum leik- og grunnskólum: Markmið um námsárangur. Þar fór hún yfir mikilvægi tungumálsins fyrir inngildingu og ítrekaði að íslenskur orðaforði er samofinn allri þekkingu og visku. Að málnotkun í skólastarfi sé margfalt ríkari en utan skóla, enda er það í gegn um tungumálið sem þekking og hæfni eykst. Börn og ungmenni sem hingað flytja þurfa að fá stuðning til þátttöku í málsamfélagi og ríkulega málörvun. Hlusta má á erindi Sigríðar hér. Að loknu erindi Sigríðar sátu í pallborði Yousef Abdi Hassan, nemandi við Tækniskólann, Erla Guðrún Gísladóttir, kennari í íslenskuveri Breiðholtsskóla, Hrönn Baldursdóttir, námsráðgjafi við Fjölbrautarskólann í Ármúla og Ágúst Ólason, kennari í Vallaskóla á Selfossi. Þar var farið vítt og breitt yfir áskoranir og tækifæri í námi innflytjenda á barnsaldri. Það er afar mikilvægt að innflytjendur geti allt frá barnsaldri fetað íslenskan skólaveg með viðeigandi stuðningi. Að í öllu námi sé tekið tilliti til þeirra út frá mismunandi hlutverkum skólastiga og af ábyrgð, enda það hagur okkar allra að vel takist til og námskrár og lög kveða á um réttindi allra hvað varðar námsaðlögun og stuðning í námi. Í stefnu hreyfingarinnar er einnig kveðið á um að fjölbreytileikinn sé styrkur hvers samfélags og að tryggja þurfi að innflytjendur eigi kost á sömu tækifærum og við sem fyrir eru óháð uppruna, trúarbrögðum eða þeim forsendum sem dvölin byggir á. Samfélag sem tekur á móti nýjum íbúum hvort sem er af íslensku eða erlendu bergi brotnu þarf að hafa í huga að öll verðum við að fá tækifæri, tilheyra, hafa aðgang að upplýsingum og geta notið okkar á jákvæðan hátt við leik og störf. Sem samfélag þurfum við öll að sjá til að svo sé og gera það vel! Álfhildur Leifsdóttir, grunnskólakennari, formaður Sveitarstjórnarráðs VG og stjórnarkona í Vinstrihreyfingunni - grænu framboði. Hólmfríður Árnadóttir, menntunarfræðingur, oddviti VG í Suðurkjördæmi og stjórnarkona í Vinstrihreyfingunni - grænu framboði. Viltu birta grein á Vísi? Sendu okkur póst. Senda grein Hólmfríður Jennýjar Árnadóttir Skóla- og menntamál Innflytjendamál Vinstri græn Íslensk tunga Álfhildur Leifsdóttir Mest lesið 76 dagar Erlingur Sigvaldason Skoðun Húsnæðisbæturnar sem hurfu Ragnar Sigurður Kristjánsson Skoðun Sporin þín Valtýr Soffía Sigurðardóttir Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Á hvaða ári er Inga Sæland stödd? Snorri Másson Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Skýr stefna um málfrelsi Róbert H. Haraldsson Skoðun Skoðun Skoðun Ný sókn í menntamálum – tækifæri eða hliðarskref? Ingibjörg Isaksen skrifar Skoðun Á hvaða ári er Inga Sæland stödd? Snorri Másson skrifar Skoðun Eru börn innviðir? Hjördís Eva Þórðardóttir skrifar Skoðun Háskólaþorpið Bifröst og fólkið sem gleymdist Margrét Jónsdóttir Njarðvík skrifar Skoðun Körfubolti á tímum þjóðarmorðs Bjarni Þór Sigurbjörnsson skrifar Skoðun Draugagangur í Alaska Hannes Pétursson skrifar Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar Skoðun 76 dagar Erlingur Sigvaldason skrifar Skoðun Í minningu körfuboltahetja Snæbjörn Guðmundsson skrifar Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar Skoðun Húsnæðisbæturnar sem hurfu Ragnar Sigurður Kristjánsson skrifar Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar Skoðun Hjartans mál í kennslu Sigurður Árni Reynisson skrifar Skoðun Hunsuðu menntamálin – en ætla nú að bjarga þeim Sigurður Kári Harðarson skrifar Skoðun Sporin þín Valtýr Soffía Sigurðardóttir skrifar Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar Skoðun Sjallar og lyklaborðið Sigfús Ómar Höskuldsson skrifar Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar Skoðun „Stóra fallega frumvarpið“ hans Trump Gunnar Alexander Ólafsson skrifar Skoðun Verndun vatns og stjórn vatnamála Ólafur Arnar Jónsson,Sigurður Guðjónsson skrifar Skoðun Gegn hernaði hvers konar Gunnar Björgvinsson skrifar Skoðun Hvers vegna sífellt fleiri sækjast eftir einveru Ingrid Kuhlman skrifar Skoðun Þriggja stiga þögn Bjarni Karlsson skrifar Skoðun Nú þarf að gyrða sig í brók Gunnlaugur Stefánsson skrifar Skoðun Lesblindir og stuðningur í skólum Snævar Ívarsson skrifar Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir skrifar Skoðun Rýnt í stöðu kvenna með örorkulífeyri Huld Magnúsdóttir skrifar Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar Sjá meira
Breytt samfélagsgerð kallar á breyttar áherslur hvort sem okkur líkar betur eða verr. Það getur varðaði fjölbreyttara samfélag, fjölmenningu eða hvers kyns aðrar breytingar sem heimurinn er að ganga í gegnum og þær áskoranir sem þeim fylgja. Það er því mikilvægt að öll sveitarfélög séu með skýra og markvissa stefnu um hvernig þau taka á móti nýjum innflytjendum sem kjósa að dvelja þar í skemmri eða lengri tíma. Annars vegar er það fólk sem kemur hingað til lands til að starfa hérlendis og hins vegar sá hópur sem óskar eftir alþjóðlegri vernd. Leiðarstefið á alltaf að vera mannvirðing og metnaður. Virðing fyrir manneskjunni og fjölbreytileika hennar og metnaður til að gera sífellt betur. Að vera hluti af heild Það er mikilvægt að nýir íbúar finni að það gert sé ráð fyrir þeim í öllu skipulagi og að þau geti á eigin tungumáli nálgast aðstoð á meðan þau læra íslensku. Að geta kynnst menningu núverandi heimalands og sótt upplýsingar um hvaðeina sem óskað er vegur þungt hvað varðar inngildingu og samsömun. Að geta lesið sér til um reglur og siði og að geta átt samtal um allskonar vegamikla þætti er varða menntun, heilsugæslu og almenn réttindi í samfélaginu er afar mikilvægt í lýðræðisríki. Slíkt þarf að eiga sér stað strax og þar má tungumálið ekki hindra, enda ætti aukin tækni að gera það mun auðveldara nú en áður. Í umhverfi þar sem línur eru óskýrar og óvissa um hver réttur og skyldur fólks eru og getur skapast óöryggi. Það gengur því ekki að taka á móti fólki án þess að hafa skipulag, markmið og leiðir á aðgengilegan hátt fyrir öll. Í stefnu Vinstrihreyfingarinnar græns framboðs segir að allir nemendur eigi rétt á að læra móðurmálið sitt. Það á við um börn sem eiga táknmál að móðurmáli, innflytjendur og börn þeirra sem þurfa bæði að njóta kennslu í móðurmáli sínu og íslensku. Grunnur að íslenskufærni er sóttur til móðurmáls og á tímum tækni og aukinnar hnattvæðingar ætti að vera hægur leikur að börn haldi móðurmáli sínu við um leið og þau læra íslensku. Þátttaka og samsömun Auka þarf stuðning í grunnskólum er varðar íslenskukennslu, félagsfærni og samfélagsfræði. Rannsóknir sýna að líðan ungmenna hefur versnað og er mikilvægt er að greina það og bregðast við því mögulega er hluti þeirra ungmenna innflytjendur sem þarna kalla eftir aðstoð. Við getum gert betur hvað varðar þátttöku barnungra innflytjenda í tómstundum og félagsstarfi og gætt þess að þau upplifi sig tilheyra og geti fundið áhugamálum og styrkleikum sínum farveg. Að fá tækifæri til þátttöku og finna sig sem hluta af heild er gríðarlega mikilvægt. Félagsmiðstöðvar, ungmennahús og íþróttafélög þurfa að taka mið að þörfum ólíkra hópa, skapa fleiri tækifæri til þátttöku í samfélaginu og huga að lágþröskulda þjónustu í nærumhverfi barna og ungmenna. Þá þarf markvissar aðgerðir og forvarnir gegn brotthvarfi innflytjenda úr framhaldsskólum með aukinn stuðning í forgrunni án þess að draga úr gæðum náms. Að læra íslensku Lykillinn að hverju samfélagi er tungumál þess. Því er mikilvægt að íslenskunám verði hluti af almennum rétti launafólks nú þegar sífellt stærri hluti á vinnumarkaði eru einstaklingar með íslensku sem annað mál, eða jafnvel það þriðja eða fjórða. Markviss tungumála- og samfélagskennsla þarf að eiga sér stað til að auka líkur á samsömun og vellíðan fyrir öll. Ekki aðeins fyrir innflytjendur, sem með því öðlast aukið öryggi og skilning á íslensku samfélagi, heldur einnig fyrir okkur sem fyrir eru. Að vita til þess að íslenska er tungumálið okkar allra og lykillinn að samfélaginu. Aðgengi að gæða íslenskunámi þarf að vera til staðar fyrir öll, íslenskunám sem mætir þörfum mismunandi hópa. Sum þurfa að fá svigrúm í atvinnulífinu, önnur þurfa að fá tækifæri og aðgang að íslenskukennslu þegar þau þiggja fjárhagsaðstoð. Til að fá endurnýjun á dvalarleyfi og ríkisborgararétt þarf að taka ákveðinn fjölda íslenskutíma og þar þarf að efla bæði námið og námsgögnin. Möguleikar á starfstengdu námi tengt vettvangi er einnig ein leið sem hafa má í huga. Á ráðstefnu Sveitarstjórnarráðs Vinstrihreyfingarinnar græns framboðs, Máttur menntunar, á dögunum flutti dr. Sigríður Ólafsdóttir erindið: Börn og ungmenni af erlendum uppruna í íslenskum leik- og grunnskólum: Markmið um námsárangur. Þar fór hún yfir mikilvægi tungumálsins fyrir inngildingu og ítrekaði að íslenskur orðaforði er samofinn allri þekkingu og visku. Að málnotkun í skólastarfi sé margfalt ríkari en utan skóla, enda er það í gegn um tungumálið sem þekking og hæfni eykst. Börn og ungmenni sem hingað flytja þurfa að fá stuðning til þátttöku í málsamfélagi og ríkulega málörvun. Hlusta má á erindi Sigríðar hér. Að loknu erindi Sigríðar sátu í pallborði Yousef Abdi Hassan, nemandi við Tækniskólann, Erla Guðrún Gísladóttir, kennari í íslenskuveri Breiðholtsskóla, Hrönn Baldursdóttir, námsráðgjafi við Fjölbrautarskólann í Ármúla og Ágúst Ólason, kennari í Vallaskóla á Selfossi. Þar var farið vítt og breitt yfir áskoranir og tækifæri í námi innflytjenda á barnsaldri. Það er afar mikilvægt að innflytjendur geti allt frá barnsaldri fetað íslenskan skólaveg með viðeigandi stuðningi. Að í öllu námi sé tekið tilliti til þeirra út frá mismunandi hlutverkum skólastiga og af ábyrgð, enda það hagur okkar allra að vel takist til og námskrár og lög kveða á um réttindi allra hvað varðar námsaðlögun og stuðning í námi. Í stefnu hreyfingarinnar er einnig kveðið á um að fjölbreytileikinn sé styrkur hvers samfélags og að tryggja þurfi að innflytjendur eigi kost á sömu tækifærum og við sem fyrir eru óháð uppruna, trúarbrögðum eða þeim forsendum sem dvölin byggir á. Samfélag sem tekur á móti nýjum íbúum hvort sem er af íslensku eða erlendu bergi brotnu þarf að hafa í huga að öll verðum við að fá tækifæri, tilheyra, hafa aðgang að upplýsingum og geta notið okkar á jákvæðan hátt við leik og störf. Sem samfélag þurfum við öll að sjá til að svo sé og gera það vel! Álfhildur Leifsdóttir, grunnskólakennari, formaður Sveitarstjórnarráðs VG og stjórnarkona í Vinstrihreyfingunni - grænu framboði. Hólmfríður Árnadóttir, menntunarfræðingur, oddviti VG í Suðurkjördæmi og stjórnarkona í Vinstrihreyfingunni - grænu framboði.
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar
Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar
Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar
Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar
Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar
Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar
Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar
Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir skrifar
Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun