Þórsarar og Dusty enn jafnir á toppnum

Fyrst mættust DUSTY og 354 Esports, leikur 1 og 2 fóru 3-1 og 5-0, Dusty í vil. Tókst 354 að sigra DUSTY 2-1 í framhaldi af örskömmu hlé en DUSTY svaraði með látum í síðasta leik viðureignarinnar með 6-1 sigri og fór þá viðureignin 3-1 fyrir DUSTY.

Mikil spenna lá í loftinu fyrir næsta leik, Þór ósigraðir og OGV í 3. sæti. Fyrsti leikur byrjaði mjög jafn þar sem OGV skoruðu fyrsta markið og byrja með yfirhöndina. Þórsarar jöfnuðu metin 1-1 og skoruðu að lokum sigurmarkið til að vinna fyrsta leik 2-1. Annar leikur viðureignarinnar vafðist ekki mikið fyrir Þórsurum en sá leikurinn fór 4-1 fyrir Þór. Þriðji leikurinn fór 10-1 fyrir Þór en þó svo að þetta hafi markað ákveðna sögu í heimi Rocket League deildarinnar á Íslandi, sem eitt stærsta tap sem hefur sést í deildinni hingað til, var það einkum vegna þess að netþjónar leiksins fóru í ólag í miðri útsendingu og fóru allir leikmenn OGV að hökta. Einnig datt 1 leikmaður út í liði Þórsara. Svo óheppilega vildi þó til að búið var að skora mark í leiknum og þurfti því leikurinn að halda áfram samkvæmt reglum RLÍS deildarinnar.

Seinasta viðureign kvöldsins var OMON gegn Quick Esports. Bæði liðin voru glorsoltin í sinn fyrsta sigur. Fyrsti leikurinn byrjaði hnífjafn en endaði 5-4 fyrir OMON. Leikur tvö var einnig mjög jafn en endaði loks 4-3 fyrir OMON. Quick esports voru 0-2 undir og því brýnt fyrir liðið að örstutt hlé. Eftir hléið vinna Quick 8-2 í þriðja leik og 2-1 í þeim fjórða. Fimmti og síðasti leikur viðureignarinnar var einkar spennandi en OMON ná að vinna leikinn 2-1 og sigra þar af leiðandi viðureignina 3-2.

5. umferð deildarinnar hefst næstkomandi þriðjudag þann 16. apríl kl. 19:40 á streymisrás íslenska Rocket League samfélagsins