Nýverið greindi Vísir frá því að Díana Dögg væri á förum frá liði sínu Sachsen Zwickau sem leikur einnig í efstu deild. Þar hefur hún verið undanfarin fjögur ár og var orðin fyrirliði liðsins.
Hin 26 ára gamla Díana Dögg hefur hins vegar ákveðið að færa sig um set og ljóst er að Blomberg-Lippe er skref upp á við. Liðið er í 5. sæti deildarinnar og hefur undanfarin ár verið með sterkari liðum Þýskalands.
