Valur deildarmeistari

Stjarnan skoraði fyrsta mark leiksins en fyrsta stundarfjórðung leiksins var viðureign liðanna algjörlega stál í stál. Stjarnan sýndi allar sínu bestu hliðar sóknarlega í kjölfarið, komst tveimur og svo þremur mörkum yfir eftir að Valur hafði jafnað metin í milli tíðinni.

Það er hins vegar ástæða fyrir að Íslandsmeistarar Vals eru á toppnum og skoraði liðið síðustu þrjú mörk fyrri hálfleiks sem þýddi að staðan var jöfn þegar liðin gengu til búningsherbergja, staðan þá 17-17.

Valur skoraði fjögur fyrstu mörk síðari hálfleiks og lagði þar með grunninn að sigri kvöldsins. Stjarnan minnkaði muninn niður í tvö mörk en nær komust þær ekki. Munurinn var svo kominn upp í fjögur mörk þegar flautað var til leiksloka, staðan þá 27-31.

Thea Imani Sturludóttir var markahæst í liði Vals með 9 mörk. Elín Rósa Magnúsdóttir skoraði 6 mörk og Sara Sif Helgadóttir varði 15 skot í markinu. Hjá Stjörnunni skoraði Eva Björk Davíðsdóttir 11 mörk og Anna Karen Hansdóttir gerði fimm. Þá varði Darija Zecevic 16 skot í markinu.

Valur er sem fyrr á toppnum, nú með 36 stig. átta meira en Fram og Haukar sem eru í sætunum fyrir neðan. Sigurinn gulltryggði deildarmeistaratitilinn en Íslandsmeistararnir eru til alls líklegir eftir að hafa unnið 18 af 19 leikjum sínum til þessa. Stjarnan er í 6. sæti og bullandi fallhættu með 9 stig.

Fréttin hefur verið uppfærð.