Þetta er meðal þess sem fram kemur í hugleiðingum veðurfræðings á vef Veðurstofunnar. Það dregur úr vindi og éljum í nótt og snýst í fremur hæga norðlæga átt á morgun.
Suðaustankaldi við suðvesturströndina. Lítilsháttar él á víð og dreif. Frost 0 til 10 stig, kaldast inn til landsins.
Líkur eru á áframhaldandi norðanátt í vikunni með dálitlum éljum á víð og dreif. Yfirleitt bjartviðri sunnan heiða og harðnandi frost.
Veðurhorfur á landinu næstu daga:
Á sunnudag:
Norðlæg eða breytileg átt, 3-10 m/s, en suðaustan 8-13 við suðvesturströndina. Víða dálítil él og frost 4 til 15 stig, kaldast inn til landsins.
Á mánudag:
Norðaustan 8-15 m/s, hvassast á Vestfjörðum og við suðausturströndina. Snjókoma með köflum á suðaustanverðu landinu, en annars dálítil él. Talsvert frost um land allt.
Á þriðjudag:
Norðlæg eða breytileg átt, 3-10 m/s og dálítil él á víð og dreif og kalt í veðri, en bjart sunnan heiða.
Á miðvikudag, fimmtudag og föstudag:
Útlit fyrir norðanátt með lítilsháttar éljum á norðanverðu landinu, en léttskýjað syðra. Áfram hörkufrost.
