Handbolti

Elvar og Einar Þor­steinn í EM-hópnum

Ingvi Þór Sæmundsson skrifar
Elvar Örn Jónsson hefur glímt við meiðsli á kvið síðustu vikur en er í EM-hópi Íslands.
Elvar Örn Jónsson hefur glímt við meiðsli á kvið síðustu vikur en er í EM-hópi Íslands. vísir/hulda margrét

Snorri Steinn Guðjónsson, þjálfari íslenska karlalandsliðsins í handbolta, hefur valið þá átján leikmenn sem keppa fyrir Íslands hönd á Evrópumótinu sem hefst í næstu viku.

Tuttugu leikmenn voru í æfingahópi íslenska liðsins en þeir Andri Már Rúnarsson og Þorsteinn Leó Gunnarsson detta út úr honum.

Elvar Örn Jónsson, sem hefur verið frá vegna meiðsla undanfarnar vikur, er í hópnum og sömu sögu er að segja af Einari Þorsteini Ólafssyni, leikmanni Fredericia í Danmörku, sem er á leið á sitt fyrsta stórmót. Hann lék sína fyrstu landsleiki þegar Færeyingar komu í heimsókn í nóvember. Stiven Tobar Valencia, leikmaður Benfica, er einnig að fara á sitt fyrsta stórmót.

EM-hópur Íslands

Markverðir:

  • Björgvin Páll Gústavsson, Valur (258/21)
  • Viktor Gísli Hallgrímsson, HBC Nantes (49/1)

Aðrir leikmenn:

  • Arnar Freyr Arnarsson, MT Melsungen (85/94)
  • Aron Pálmarsson, FH (168/644)
  • Bjarki Már Elísson, Telekom Veszprém (105/365)
  • Einar Þorsteinn Ólafsson, Fredericia (2/0)
  • Elliði Snær Viðarsson, VfL Gummersbach (37/68)
  • Elvar Örn Jónsson, MT Melsungen (66/157)
  • Gísli Þorgeir Kristjánsson, SC Magdeburg (51/113)
  • Haukur Þrastarson, Barlinek Industria Kielce (23/28)
  • Janus Daði Smárason, SC Magdeburg (72/114)
  • Kristján Örn Kristjánsson, Pays d’Aix Université Club Handball (29/60)
  • Óðinn Þór Ríkharðsson, Kadetten Schaffhausen (30/89)
  • Ómar Ingi Magnússon, SC Magdeburg (74/354)
  • Sigvaldi Björn Guðjónsson, Kolstad Håndball (63/172)
  • Stiven Tobar Valencia, Benfica (6/6)
  • Viggó Kristjánsson, SC DHfK Leipzig Handball (44/114)
  • Ýmir Örn Gíslason, Rhein-Neckar Löwen (76/35)

Íslenska liðið heldur af landi brott á morgun og fer til Austurríkis þar sem það mætir heimamönnum í tveimur vináttulandsleikjum, á laugardaginn og mánudaginn. Fyrri leikurinn fer fram í Vín og sá síðari í Linz.

Íslendingar halda svo til München þar sem C-riðill Evrópumótsins verður spilaður. Ísland er í riðli með Serbíu, Svartfjallalandi og Ungverjalandi. Tvö efstu liðin komast í milliriðil.

Fyrsti leikur Íslands á EM er gegn Serbíu föstudaginn 12. janúar. Mikill spenna er fyrir mótinu en búist er við að allt að fjögur þúsund Íslendingar muni leggja leið sína til München til að fylgjast með Strákunum okkar.

EM 2024 í handbolta Landslið karla í handbolta

Mest lesið


Fleiri fréttir

Sjá meira


×

Mest lesið