„Sárt að horfa á fólk skemmta sér meðan maður sat með tárin í augunum“ Hallgerður Kolbrún E. Jónsdóttir skrifar 20. desember 2023 11:00 Bryndís segir sárt að sjá landsmenn horfa á eldgosið við Sundhnúksgíga sem afþreyingu á meðan Grindvíkingar glíma við erfiðar tilfinningar. Vísir Íbúi í Grindavík segir sárt að sjá landsmenn horfa á eldgosið við Sundhnúksgíga sem afþreyingu á meðan Grindvíkingar glíma við erfiðar tilfinningar. Grindvíkingar þurfi meiri vissu um hvað taki við á komandi mánuðum. „Ég skrifaði þennan pistil á mánudagsnótt þegar var mikil óvissa um staðsetningu, hvort hraunið læki til Grindavíkur og allt það. Þetta var augnablikið sem íbúar Grindavíkur voru að velta því fyrir sér hvort Grindavík yrði þarna morguninn eftir,“ segir Bryndís Gunnlaugsdóttir, íbúi í Grindavík. Bryndís birti pistil á Facebook þar sem hún hvatti landsmenn til að fara mjúkum höndum um Grindvíkinga og brýndi fyrir fólki að þeir væru í miklu tilfinningalegu uppnámi vegna eldgossins við Sundhnúksgíga. „Á sama tíma sá maður á Facebook, Instagram og fleiri samfélagsmiðlum aðra en Grindvíkinga tala um hvað þetta var spennandi, langaði að sjá þetta eða þá „enn eitt eldgosið“ eins og þetta væri bara eins og öll hin. Sem þetta er ekki, alla vega ekki fyrir íbúa Grindavíkur,“ segir Bryndís. Get ég einhvern tíma farið aftur heim? Fólk hafi líka lýst yfir áhyggjum af því að komast ekki í flug, sem Bryndís segist skilja en áhyggjur Grindvíkinga hafi verið svo miklu, miklu stærri. „Við vorum á þessum tíma að velta fyrir okkur hvort húsin okkar yrðu þarna á morgun. Verður samfélagið mitt þarna á morgun? Get ég einhvern tíma farið aftur heim? Við vorum í allt öðru tilfinningaástandi en aðrir. Við vorum búin að bíða mjög lengi, síðan 10. nóvember að komi eldgos, í raun og veru, og við vorum að upplifa bæði rosalegan létti að þetta væri loks komið en þá kom önnur hræðsla, aðrar áhyggjur.“ Þó að málin líti betur út núna en í byrjun komi fram í síðasta hættumati Veðurstofunnar að sprungur geti opnast nánast fyrirvaralaust í Grindavík. Stöðuna á gosinu má sjá í vefmyndavél Vísis, á Stöð 2 Vísi hér að neðan. „Maður hefur orðið var við eitraða jákvæðni. Fólk segir að það sé frábært að enginn meiddist. Ég veit það, en það breytir því ekki að við erum í sárum, okkur líður illa og þetta er erfitt. Ég á von á mínu fyrsta barni og fólk hefur sagt við mig að ég sé heppin að fá að einbeita mér að einhverju gleðilegu. En mig langar að vera að búa til heimili fyrir barnið mitt og ég vildi hafa fjárhagslegt öryggi á leið inn í fæðingarorlof,“ segir Bryndís. „Ég ætlaði að selja húsið mitt í Grindavík og flytja til Hveragerðis til kærastans míns. Ég er ekki að fara að selja neitt hús.“ „Hvernig geturðu farið heim ef barnið kemst ekki í skóla?“ Þá segir hún mjög erfitt fyrir marga, ekki síst barnafjölskyldur, að vita ekki hvernig fjárhagsstuðningi verður háttað næstu mánuði. Búið sé að gefa út að ekkert skólahald verði í Grindavík fyrr en í fyrsta lagi næsta haust en margir foreldrar séu í óvissu hvort þeir geti haldið tvö heimili, enda vilji flestir búa nálægt skólum barna sinna. „Hvernig geturðu farið heim ef barnið kemst ekki í skóla og fólk upplifir á sama tíma að jörðin sé ótrygg? Það er verið að grípa okkur en það er ekki verið að grípa okkur þannig að við getum gert einhver plön til langs tíma. Vorið er eftir fimm mánuði, fólk vill geta planað út alla vega skólaárið,“ segir Bryndís. Bryndís segir marga Grindvíkinga hafa áhyggjur af óvissunni. Hún er aðstoðarþjálfari kvennaliðs Grindavíkur í körfunni.Bryndís Gunnlaugsdóttir „Það eru 120-130 fjölskyldur sem eru enn ekki komnar með varanlegt húsnæði og vita ekki hvar þau verða um jólin. Og fólki finnst þetta bara geggjað eldgos og vill fara og taka myndir.“ Allir Grindvíkingar séu sammála um að það vanti skýrari svör um framtíðina. „Þá meina ég ekki að við fáum einhverja dagsetningu hvenær við fáum að fara heim, heldur að þangað til næsta skólaár hefst næsta haust verði tryggður styrkur, þar til allar fjölskyldur geta farið heim. Einhver loforð í sjónvarpsþáttum að haldið verði utan um okkur eru ekki traustvekjandi þegar 120 fjölskyldur hafa ekki varanlegt húsnæði fyrir jólin og jólin eru eftir fjóra daga,“ segir Bryndís. „Það hefði mátt litlu muna að hraun rynni til Grindavíkur. Það er eins og fólk átti sig ekki á þessu. Mér fannst ekki sárt að fólk flykktist að skoða gosið þegar það hófst frekar er það orðræðan: Enn eitt eldgosið, eins og ég sá fólk skrifa á Instagram. Það var orðræðan sem var vandamálið, ekki forvitnin. Það var sárt að horfa á fólk skemmta sér meðan maður sat með tárin í augunum að reyna að finna út hvort húsið manns væri öruggt.“ Grindavík Eldgos á Reykjanesskaga Eldgos og jarðhræringar Tengdar fréttir Haraldur telur enga ástæðu til halda Grindavík áfram lokaðri Haraldur Sigurðsson eldfjallafræðingur stendur enn við þá skoðun sína að Grindavíkurbær sé ekki í hættu vegna eldgoss og að leyfa eigi bæjarbúum að snúa aftur heim til sín. 20. desember 2023 10:24 Bíða betra veðurs til að geta kortlagt hraunið Eldgosið á Reykjanesskaga hefur minnkað mjög frá því sem það var í upphafi á mánudagskvöld. Jarðeðlisfræðingur segir það farið að líkjast þeim eldgosum sem hafa orðið á Reykjanesskaga á síðustu árum. 20. desember 2023 09:09 Breytt landslag og viðbragðsaðilar komnir að þolmörkum Aðgerðastjórn og vettvangsstjórn munu funda klukkan 9, að sögn Úlfars Lúðvíkssonar, lögreglustjóra á Suðurnesjum. Hann segir ekki fyrirsjáanlegt að opnað verði fyrir aðgengi að gosstöðvunum. 20. desember 2023 07:08 Mest lesið Klórar sér í kollinum yfir kvennaverkfallinu Innlent Sakar Krabbameinsfélagið um að vera í raun fjármálafyrirtæki Innlent Vinnuvélar, rútur, húsbílar og tjaldvagnar fari burt af bílastæðinu Innlent Miðflokkurinn rýkur upp Innlent Kona í fjölbýlishúsinu talin brennuvargur en gengur laus Innlent Ungt fólk í bílnum og annað alvarlega slasað Innlent Skýrt ákall um heilsdagsverkfall á kvennafrídegi í ár Innlent Maðurinn í lífshættu og til rannsóknar hver veitti áverkana Innlent Grunuð um íkveikju í Nettó, Nytjamarkaðnum og eigin húsi Innlent Moskítóflugan mætt til Íslands Innlent Fleiri fréttir Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Sjá meira
„Ég skrifaði þennan pistil á mánudagsnótt þegar var mikil óvissa um staðsetningu, hvort hraunið læki til Grindavíkur og allt það. Þetta var augnablikið sem íbúar Grindavíkur voru að velta því fyrir sér hvort Grindavík yrði þarna morguninn eftir,“ segir Bryndís Gunnlaugsdóttir, íbúi í Grindavík. Bryndís birti pistil á Facebook þar sem hún hvatti landsmenn til að fara mjúkum höndum um Grindvíkinga og brýndi fyrir fólki að þeir væru í miklu tilfinningalegu uppnámi vegna eldgossins við Sundhnúksgíga. „Á sama tíma sá maður á Facebook, Instagram og fleiri samfélagsmiðlum aðra en Grindvíkinga tala um hvað þetta var spennandi, langaði að sjá þetta eða þá „enn eitt eldgosið“ eins og þetta væri bara eins og öll hin. Sem þetta er ekki, alla vega ekki fyrir íbúa Grindavíkur,“ segir Bryndís. Get ég einhvern tíma farið aftur heim? Fólk hafi líka lýst yfir áhyggjum af því að komast ekki í flug, sem Bryndís segist skilja en áhyggjur Grindvíkinga hafi verið svo miklu, miklu stærri. „Við vorum á þessum tíma að velta fyrir okkur hvort húsin okkar yrðu þarna á morgun. Verður samfélagið mitt þarna á morgun? Get ég einhvern tíma farið aftur heim? Við vorum í allt öðru tilfinningaástandi en aðrir. Við vorum búin að bíða mjög lengi, síðan 10. nóvember að komi eldgos, í raun og veru, og við vorum að upplifa bæði rosalegan létti að þetta væri loks komið en þá kom önnur hræðsla, aðrar áhyggjur.“ Þó að málin líti betur út núna en í byrjun komi fram í síðasta hættumati Veðurstofunnar að sprungur geti opnast nánast fyrirvaralaust í Grindavík. Stöðuna á gosinu má sjá í vefmyndavél Vísis, á Stöð 2 Vísi hér að neðan. „Maður hefur orðið var við eitraða jákvæðni. Fólk segir að það sé frábært að enginn meiddist. Ég veit það, en það breytir því ekki að við erum í sárum, okkur líður illa og þetta er erfitt. Ég á von á mínu fyrsta barni og fólk hefur sagt við mig að ég sé heppin að fá að einbeita mér að einhverju gleðilegu. En mig langar að vera að búa til heimili fyrir barnið mitt og ég vildi hafa fjárhagslegt öryggi á leið inn í fæðingarorlof,“ segir Bryndís. „Ég ætlaði að selja húsið mitt í Grindavík og flytja til Hveragerðis til kærastans míns. Ég er ekki að fara að selja neitt hús.“ „Hvernig geturðu farið heim ef barnið kemst ekki í skóla?“ Þá segir hún mjög erfitt fyrir marga, ekki síst barnafjölskyldur, að vita ekki hvernig fjárhagsstuðningi verður háttað næstu mánuði. Búið sé að gefa út að ekkert skólahald verði í Grindavík fyrr en í fyrsta lagi næsta haust en margir foreldrar séu í óvissu hvort þeir geti haldið tvö heimili, enda vilji flestir búa nálægt skólum barna sinna. „Hvernig geturðu farið heim ef barnið kemst ekki í skóla og fólk upplifir á sama tíma að jörðin sé ótrygg? Það er verið að grípa okkur en það er ekki verið að grípa okkur þannig að við getum gert einhver plön til langs tíma. Vorið er eftir fimm mánuði, fólk vill geta planað út alla vega skólaárið,“ segir Bryndís. Bryndís segir marga Grindvíkinga hafa áhyggjur af óvissunni. Hún er aðstoðarþjálfari kvennaliðs Grindavíkur í körfunni.Bryndís Gunnlaugsdóttir „Það eru 120-130 fjölskyldur sem eru enn ekki komnar með varanlegt húsnæði og vita ekki hvar þau verða um jólin. Og fólki finnst þetta bara geggjað eldgos og vill fara og taka myndir.“ Allir Grindvíkingar séu sammála um að það vanti skýrari svör um framtíðina. „Þá meina ég ekki að við fáum einhverja dagsetningu hvenær við fáum að fara heim, heldur að þangað til næsta skólaár hefst næsta haust verði tryggður styrkur, þar til allar fjölskyldur geta farið heim. Einhver loforð í sjónvarpsþáttum að haldið verði utan um okkur eru ekki traustvekjandi þegar 120 fjölskyldur hafa ekki varanlegt húsnæði fyrir jólin og jólin eru eftir fjóra daga,“ segir Bryndís. „Það hefði mátt litlu muna að hraun rynni til Grindavíkur. Það er eins og fólk átti sig ekki á þessu. Mér fannst ekki sárt að fólk flykktist að skoða gosið þegar það hófst frekar er það orðræðan: Enn eitt eldgosið, eins og ég sá fólk skrifa á Instagram. Það var orðræðan sem var vandamálið, ekki forvitnin. Það var sárt að horfa á fólk skemmta sér meðan maður sat með tárin í augunum að reyna að finna út hvort húsið manns væri öruggt.“
Grindavík Eldgos á Reykjanesskaga Eldgos og jarðhræringar Tengdar fréttir Haraldur telur enga ástæðu til halda Grindavík áfram lokaðri Haraldur Sigurðsson eldfjallafræðingur stendur enn við þá skoðun sína að Grindavíkurbær sé ekki í hættu vegna eldgoss og að leyfa eigi bæjarbúum að snúa aftur heim til sín. 20. desember 2023 10:24 Bíða betra veðurs til að geta kortlagt hraunið Eldgosið á Reykjanesskaga hefur minnkað mjög frá því sem það var í upphafi á mánudagskvöld. Jarðeðlisfræðingur segir það farið að líkjast þeim eldgosum sem hafa orðið á Reykjanesskaga á síðustu árum. 20. desember 2023 09:09 Breytt landslag og viðbragðsaðilar komnir að þolmörkum Aðgerðastjórn og vettvangsstjórn munu funda klukkan 9, að sögn Úlfars Lúðvíkssonar, lögreglustjóra á Suðurnesjum. Hann segir ekki fyrirsjáanlegt að opnað verði fyrir aðgengi að gosstöðvunum. 20. desember 2023 07:08 Mest lesið Klórar sér í kollinum yfir kvennaverkfallinu Innlent Sakar Krabbameinsfélagið um að vera í raun fjármálafyrirtæki Innlent Vinnuvélar, rútur, húsbílar og tjaldvagnar fari burt af bílastæðinu Innlent Miðflokkurinn rýkur upp Innlent Kona í fjölbýlishúsinu talin brennuvargur en gengur laus Innlent Ungt fólk í bílnum og annað alvarlega slasað Innlent Skýrt ákall um heilsdagsverkfall á kvennafrídegi í ár Innlent Maðurinn í lífshættu og til rannsóknar hver veitti áverkana Innlent Grunuð um íkveikju í Nettó, Nytjamarkaðnum og eigin húsi Innlent Moskítóflugan mætt til Íslands Innlent Fleiri fréttir Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Sjá meira
Haraldur telur enga ástæðu til halda Grindavík áfram lokaðri Haraldur Sigurðsson eldfjallafræðingur stendur enn við þá skoðun sína að Grindavíkurbær sé ekki í hættu vegna eldgoss og að leyfa eigi bæjarbúum að snúa aftur heim til sín. 20. desember 2023 10:24
Bíða betra veðurs til að geta kortlagt hraunið Eldgosið á Reykjanesskaga hefur minnkað mjög frá því sem það var í upphafi á mánudagskvöld. Jarðeðlisfræðingur segir það farið að líkjast þeim eldgosum sem hafa orðið á Reykjanesskaga á síðustu árum. 20. desember 2023 09:09
Breytt landslag og viðbragðsaðilar komnir að þolmörkum Aðgerðastjórn og vettvangsstjórn munu funda klukkan 9, að sögn Úlfars Lúðvíkssonar, lögreglustjóra á Suðurnesjum. Hann segir ekki fyrirsjáanlegt að opnað verði fyrir aðgengi að gosstöðvunum. 20. desember 2023 07:08