Evrópumeistararnir í úr­slit HM eftir öruggan sigur

Þrátt fyrir mikla yfirburði City í fyrri hálfleik virtist liðið ekki geta komið boltanum í netið og það var ekki fyrr en að komið var í uppbótartíma að Norðmaðurinn Marius Hoibraaten setti boltann í eigið net og sá til þess að Evrópumeistararnir fóru með 1-0 forystu inn í hálfleikshléið.

Betur gekk þó að finna netmöskvana í síðari hálfleik og Mateo Kovacic tvöfaldaði forystu City með marki á 52. mínútu áður en Bernardo Silva skoraði þriðja mark liðsins sjö mínútum síðar.

Fleiri urðu mörkin ekki og niðurstaðan varð öruggur 3-0 sigur Manchester City sem er á leið í úrslitaleik heimsmeistaramóts félagsliða þar sem liðið mætir brasilíska liðinu Fluminese næstkomandi föstudag.