Þýska B-deildarliðið Aue, lærisveinar Ólafs Stefánssonar, sitja áfram sem fastast á botni deildarinnar eftir tap í kvöld.
Aue hefur aðeins unnið tvo leiki til þessa á tímabilinu og tapaði í kvöld sínum fjórða leik í röð þegar Bietigheim-Metterzimmern vann fjögurra marka útisigur, lokatölur 27-31
Heimamenn byrjuðu vel í kvöld og voru um tíma þremur mörkum yfir. Það entist þó ekki lengi og voru gestirnir marki yfir í hálfleik, fór það svo að þeir unnu með fjögurra marka mun.
Sveinbjörn Pétursson átti góðan leik í marki heimaliðsins en það dugði ekki í kvöld. Hann varði 19 skot og gaf eina stoðsendingu.
Ólafur Stefánsson var í dag tilkynntur sem nýr þjálfari þýska b-deildarliðsins EHV Aue en félagið rak þjálfara sinn á dögunum eftir slaka byrjun á tímabilinu.
Íslenska handboltagoðsögnin Ólafur Stefánsson er kominn aftur á fullt í þjálfun en hann tók á dögunum við þýska B-deildarfélaginu Aue. Ólafur var síðast aðstoðarþjálfari í HC Erlangen en hætti hjá félaginu í haust. Hann er nú aftur orðinn aðalþjálfari og segist búinn að læra mikið síðan hann þjálfaði Val.
