Gló­dís í hjarta varnarinnar í grát­legu jafn­tefli Bayern

Glódís Perla er fyrirliði Bayern og byrjaði að sjálfsögðu leikinn í miðri vörn liðsins. Andstæðingarnir voru lið Roma frá Ítalíu sem vann ítölsku deildina nokkuð örugglega á síðustu leiktíð.

Jovana Damnjanovic kom Bayern í 1-0 á 20. mínútu og forysta Bayern tvöfaldaðist skömmu fyrir leikhlé þegar Elena Linari skoraði sjálfsmark.

Staðan í hálfleik 2-0 fyrir Bayern en hin kanadíska Evelyne Viens minnkaði muninn fyrir Roma á 58. mínútu og allt í járnum. Það virtist allt stefna í sigur Bayern en þegar komið var fram í uppbótartíma jafnaði fyrirliðinn Manuela Giugliano fyrir Roma og tryggði þeim eitt stig.

2-2 niðurstaðan og Glódís Perla og liðsfélagar hennar voru svekktar í leikslok að missa frá sér tvö stig. Næsti leikur Bayern í riðlakeppninni er gegn PSG á útivelli í næstu viku.