Að slá blettinn Ari Tryggvason skrifar 11. nóvember 2023 07:01 Orðatiltæki þetta var mjög vinsælt innan stjórnsýslu Ísraels; „að slá blettinn“ og bletturinn er Gaza. Árið 2006 voru haldnar þingkosningar á Vesturbakkanum og á Gaza. Hamas var hvatt til þátttöku, að taka þátt í þessari stórkostlegu tilraun. Þeir brutu odd á oflæti sínu og létu tilleiðast. Fram að því voru þeir á móti öllum kosningum á hernumdu svæðunum, vegna þess að þessar kosningar voru afleiðingar Oslóar samkomulagsins, sem þeir voru andsnúnir, líkt og margir aðrir. Þeim og öðrum til mikillar undrunar, unnu þeir kosningarnar á Gaza. Samkvæmt eftirlitsteymi Jimmys Carters, voru þær fullkomlega heiðarlegar og sanngjarnar. Hvað gerðu Ísrael og Bandaríkin í kjölfarið? Settu viðskiptahindranir á Gaza sem olli efnahagslegri kyrrstöðu. Nú hafa þær staðið í tæp 20 ár. Á Gaza er atvinnuleysið um 50% og um 60% á meðal hinna ungu, mesta atvinnuleysi sem til er. Helmingur íbúa Gaza eru börn. Flóttamenn og afkomendur þeirra frá stríðinu 1948 eru um 70%, reknir frá svæðum sem urðu Ísrael, flóttamenn í 75 ár. Fæðuöryggi er ekkert á Gaza, undir „venjulegum‟ kringumstæðum. Einn af fyrrum háttsettum embættismönnum í Ísrael, Giora Eiland sem enn er í innsta hring Benjamins Netanyahus, lýsti Gaza árið 2006 sem „risa fangabúðum‟. Baruch Kimmerling, ísraelskur þjóðfélagsfræðingur við Hebreska háskólann í Jerúsalem, kallaði Gaza, „stærstu fangabúðir sem nokkurn tíma hafa verið til.‟ Þegar Hamas hlaut kosningu 2006, sendu þeir út friðartilboð, endurtekið, til að reyna að leysa átökin við Ísrael. Staðreynd, þrátt fyrir orðspor Hamas. Tilboð þeirra byggði á tveggja ríkja lausninni með tilliti til landamæranna fyrir 6. daga stríðið 1967. Í þessu felst, að sjálfsögðu, viðurkenning á tilvist Ísraels. Í júní 2008 var gert vopnahlé milli Ísraels og Hamas. Það hélt til 4. nóvember, í 5 mánuði. Og hver rauf vopnahléið? Hamas? Nei, heldur Ísrael, sem notaði tækifærið til að ráðast á Hamas þegar allra augu voru á kosningunum í Bandaríkjunum, þegar Obama var kosinn. Þá hóf Ísrael að gera það sem þeir eru bestir í, að framkvæma hátækni fjöldamorð. Þeir drápu rúmlega 1.400 manns, þar af 350 börn. Innviðir Gaza voru markvisst eyðilagðir. Samkvæmt skýrslu sem kennd er við Golstone, voru þetta stríðsglæpir og mögulega glæpir gegn mannkyni. Gaza má ekki blómstra Eftir OperationCast Lead, 2008-09, varð smá slaki á ofbeldisfullri herkví á Gaza. Efnahagurinn þar sýndi smá bata. Peningar byrjuðu að koma inn frá Katar. Erdoğan sem þá var forsætisráðherra Tyrklands, áætlaði að heimsækja Gaza. Þetta pirraði Ísrael verulega því Gaza átti alls ekki að fá að blómstra. Hvað gerði Ísrael? Þeir tóku af lífi háttsettan embættismann innan Hamas, Ahmed Jabari. Skömmu síðar eða 14. nóvember 2012, hóf Ísrael árásir á Gaza, Pillar of Defence. A. Jabari bar ábyrgð á samningaviðræðum um vopnahlé við Ísrael. Einmitt á þeim tíma sem hann var tekinn af lífi, var hann í miðjum samningaviðræðum við Ísrael um langtíma vopnahlé. Árið 2014 hófu þeir að slá blettinn aftur; 2200 drepnir og þar af 550 börn. Peter Moore hjá Rauða krossinum sem hafði það hlutverk að greina og yfirfara stríðssvæðið, sagðist aldrei hafa orðið vitni að slíkri eyðileggingu á sínum ferli og þá á Gaza. Hamas á sér fleiri hliðar, öllum er kunnugt um hryðjuverkasögu þeirra. Ég leyfi mér að fullyrða að þau blikna í samanburði við ríkisrekin hryðjuverk Ísraels með samþykki Bandaríkjanna og fleiri. Í ágætri heimildarmynd á vegum BBC, (Púðurtunnan/The Tinderbox) sem sýnd var í sjónvarpinu um miðjan október, kom fram að Hamas leiðtogi hafi verið myrtur af Ísrael 2017 (01:19:28), Jamal Mansour. Nú veit ég ekkert um þennan mann eða A. Jabari að öðru leyti og er ekkert að réttlæta þeirra gjörðir, hverjar sem þær kunna að vera. En það er sláandi að hann skuli hafa verið drepinn, ásamt fleiri leiðtogum Hamas, eftir að hann gaf út yfirlýsingu sem birt var víða, um að hann styddi að hryðjuverkum skyldi hætt og gefa skyldi friðarviðræðum tækifæri. Því miður er umræðan um þetta mál á samfélagsmiðlum stundum þannig að maður er stimplaður sem gyðingahatari og Hamas-vinur. Það sem hér hefur verið rakið er hryllingur sem maður hélt að ekki yrði yfirboðinn. Það hefur því miður gerst í þessu stríði þar sem yfir 11 þús manns hafa verið drepin. Ljár dauðans athafnar sig að vild á Gaza blettinum sem aldrei fyrr. Viltu birta grein á Vísi? Sendu okkur póst. Senda grein Átök í Ísrael og Palestínu Mest lesið Þegar samfélagið þagnar Benóný Valur Jakobsson Skoðun Ríkið tekur – landsbyggðirnar fá minna Hjálmar Bogi Hafliðason Skoðun Morðæðið á Gaza - Vitfirringin má ekki eyðileggja mennskuna Jón Baldvin Hannesson Skoðun Dóru Björt svarað! Jón G. Hauksson Skoðun Ekki mínir hagsmunir Berglind Hlín Baldursdóttir Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon Skoðun Óásættanleg málsmeðferð Linda Íris Emilsdóttir,Katrín Oddsdóttir Skoðun Samþjöppunin hefur ekkert að gera með veiðigjöldin Sigurjón Þórðarson Skoðun Leikskólagjöld í Kópavogi þau hæstu á landinu Örn Arnarson Skoðun Skoðun Skoðun Ríkið tekur – landsbyggðirnar fá minna Hjálmar Bogi Hafliðason skrifar Skoðun Snjallasta stefnubreyting Samfylkingarinnar Jóhann Frímann Arinbjarnarson skrifar Skoðun Þegar samfélagið þagnar Benóný Valur Jakobsson skrifar Skoðun Stjórnleysi í íslenskri dýravernd Árni Stefán Árnason skrifar Skoðun Olíumjólk Sigurður Ingi Friðleifsson skrifar Skoðun Leikskólagjöld í Kópavogi þau hæstu á landinu Örn Arnarson skrifar Skoðun Pólitískur gúmmítékki Jens Garðar Helgason skrifar Skoðun Þegar bændur bregðast dýrum sínum – Valda þeim þjáningu og skelfilegum dauðdaga Ole Anton Bieltvedt skrifar Skoðun Morðæðið á Gaza - Vitfirringin má ekki eyðileggja mennskuna Jón Baldvin Hannesson skrifar Skoðun Orðsins fyllsta merking Eiríkur Kristjánsson skrifar Skoðun Dóru Björt svarað! Jón G. Hauksson skrifar Skoðun Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon skrifar Skoðun Ekki mínir hagsmunir Berglind Hlín Baldursdóttir skrifar Skoðun Ætlar vinstri meirihlutinn að skila auðu? Þórdís Lóa Þórhalldóttir skrifar Skoðun Óásættanleg málsmeðferð Linda Íris Emilsdóttir,Katrín Oddsdóttir skrifar Skoðun Fjárfestavernd sem gengur of langt? Baldvin Ingi Sigurðsson skrifar Skoðun Æfðu þig í virkum og uppbyggilegum viðbrögðum Ingrid Kuhlman skrifar Skoðun Samþjöppunin hefur ekkert að gera með veiðigjöldin Sigurjón Þórðarson skrifar Skoðun Aðför Vinnueftirlits að hagsmunum slasaðra. Steinar Harðarson skrifar Skoðun Þegar þeir sem segjast þjóna þjóðinni ráðast á hana Ágústa Árnadóttir skrifar Skoðun Karlar, piltar og strákar Jón Pétur Zimsen skrifar Skoðun Eiga ellilífeyrir og örorkubætur að fylgja launavísitölu? Haukur Arnþórsson skrifar Skoðun Ísland verður að vernda hafið og fiskimiðin frá námuvinnslu á hafsbotni Laura Sólveig Lefort Scheefer,Þorgerður María Þorbjarnardóttir,Árni Finnsson,Sæunn Júlía Sigurjónsdóttir,Belén García Ovide,Huld Hafliðadóttir skrifar Skoðun Nennið þið plís blessaða ríkisstjórn! Derek T. Allen skrifar Skoðun Ertu klár? Jakob Smári Magnússon skrifar Skoðun Kengúrur eða Þorskar: Hver forritar framtíð Íslands? Björgmundur Örn Guðmundsson skrifar Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir skrifar Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir skrifar Skoðun Brimrót og veðragnýr í alþjóðamálum Árni Þór Sigurðsson skrifar Skoðun Forstjórinn stígur fram Örn Pálsson skrifar Sjá meira
Orðatiltæki þetta var mjög vinsælt innan stjórnsýslu Ísraels; „að slá blettinn“ og bletturinn er Gaza. Árið 2006 voru haldnar þingkosningar á Vesturbakkanum og á Gaza. Hamas var hvatt til þátttöku, að taka þátt í þessari stórkostlegu tilraun. Þeir brutu odd á oflæti sínu og létu tilleiðast. Fram að því voru þeir á móti öllum kosningum á hernumdu svæðunum, vegna þess að þessar kosningar voru afleiðingar Oslóar samkomulagsins, sem þeir voru andsnúnir, líkt og margir aðrir. Þeim og öðrum til mikillar undrunar, unnu þeir kosningarnar á Gaza. Samkvæmt eftirlitsteymi Jimmys Carters, voru þær fullkomlega heiðarlegar og sanngjarnar. Hvað gerðu Ísrael og Bandaríkin í kjölfarið? Settu viðskiptahindranir á Gaza sem olli efnahagslegri kyrrstöðu. Nú hafa þær staðið í tæp 20 ár. Á Gaza er atvinnuleysið um 50% og um 60% á meðal hinna ungu, mesta atvinnuleysi sem til er. Helmingur íbúa Gaza eru börn. Flóttamenn og afkomendur þeirra frá stríðinu 1948 eru um 70%, reknir frá svæðum sem urðu Ísrael, flóttamenn í 75 ár. Fæðuöryggi er ekkert á Gaza, undir „venjulegum‟ kringumstæðum. Einn af fyrrum háttsettum embættismönnum í Ísrael, Giora Eiland sem enn er í innsta hring Benjamins Netanyahus, lýsti Gaza árið 2006 sem „risa fangabúðum‟. Baruch Kimmerling, ísraelskur þjóðfélagsfræðingur við Hebreska háskólann í Jerúsalem, kallaði Gaza, „stærstu fangabúðir sem nokkurn tíma hafa verið til.‟ Þegar Hamas hlaut kosningu 2006, sendu þeir út friðartilboð, endurtekið, til að reyna að leysa átökin við Ísrael. Staðreynd, þrátt fyrir orðspor Hamas. Tilboð þeirra byggði á tveggja ríkja lausninni með tilliti til landamæranna fyrir 6. daga stríðið 1967. Í þessu felst, að sjálfsögðu, viðurkenning á tilvist Ísraels. Í júní 2008 var gert vopnahlé milli Ísraels og Hamas. Það hélt til 4. nóvember, í 5 mánuði. Og hver rauf vopnahléið? Hamas? Nei, heldur Ísrael, sem notaði tækifærið til að ráðast á Hamas þegar allra augu voru á kosningunum í Bandaríkjunum, þegar Obama var kosinn. Þá hóf Ísrael að gera það sem þeir eru bestir í, að framkvæma hátækni fjöldamorð. Þeir drápu rúmlega 1.400 manns, þar af 350 börn. Innviðir Gaza voru markvisst eyðilagðir. Samkvæmt skýrslu sem kennd er við Golstone, voru þetta stríðsglæpir og mögulega glæpir gegn mannkyni. Gaza má ekki blómstra Eftir OperationCast Lead, 2008-09, varð smá slaki á ofbeldisfullri herkví á Gaza. Efnahagurinn þar sýndi smá bata. Peningar byrjuðu að koma inn frá Katar. Erdoğan sem þá var forsætisráðherra Tyrklands, áætlaði að heimsækja Gaza. Þetta pirraði Ísrael verulega því Gaza átti alls ekki að fá að blómstra. Hvað gerði Ísrael? Þeir tóku af lífi háttsettan embættismann innan Hamas, Ahmed Jabari. Skömmu síðar eða 14. nóvember 2012, hóf Ísrael árásir á Gaza, Pillar of Defence. A. Jabari bar ábyrgð á samningaviðræðum um vopnahlé við Ísrael. Einmitt á þeim tíma sem hann var tekinn af lífi, var hann í miðjum samningaviðræðum við Ísrael um langtíma vopnahlé. Árið 2014 hófu þeir að slá blettinn aftur; 2200 drepnir og þar af 550 börn. Peter Moore hjá Rauða krossinum sem hafði það hlutverk að greina og yfirfara stríðssvæðið, sagðist aldrei hafa orðið vitni að slíkri eyðileggingu á sínum ferli og þá á Gaza. Hamas á sér fleiri hliðar, öllum er kunnugt um hryðjuverkasögu þeirra. Ég leyfi mér að fullyrða að þau blikna í samanburði við ríkisrekin hryðjuverk Ísraels með samþykki Bandaríkjanna og fleiri. Í ágætri heimildarmynd á vegum BBC, (Púðurtunnan/The Tinderbox) sem sýnd var í sjónvarpinu um miðjan október, kom fram að Hamas leiðtogi hafi verið myrtur af Ísrael 2017 (01:19:28), Jamal Mansour. Nú veit ég ekkert um þennan mann eða A. Jabari að öðru leyti og er ekkert að réttlæta þeirra gjörðir, hverjar sem þær kunna að vera. En það er sláandi að hann skuli hafa verið drepinn, ásamt fleiri leiðtogum Hamas, eftir að hann gaf út yfirlýsingu sem birt var víða, um að hann styddi að hryðjuverkum skyldi hætt og gefa skyldi friðarviðræðum tækifæri. Því miður er umræðan um þetta mál á samfélagsmiðlum stundum þannig að maður er stimplaður sem gyðingahatari og Hamas-vinur. Það sem hér hefur verið rakið er hryllingur sem maður hélt að ekki yrði yfirboðinn. Það hefur því miður gerst í þessu stríði þar sem yfir 11 þús manns hafa verið drepin. Ljár dauðans athafnar sig að vild á Gaza blettinum sem aldrei fyrr.
Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon Skoðun
Skoðun Þegar bændur bregðast dýrum sínum – Valda þeim þjáningu og skelfilegum dauðdaga Ole Anton Bieltvedt skrifar
Skoðun Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon skrifar
Skoðun Ísland verður að vernda hafið og fiskimiðin frá námuvinnslu á hafsbotni Laura Sólveig Lefort Scheefer,Þorgerður María Þorbjarnardóttir,Árni Finnsson,Sæunn Júlía Sigurjónsdóttir,Belén García Ovide,Huld Hafliðadóttir skrifar
Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir skrifar
Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir skrifar
Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon Skoðun