Hringdi í mömmu, Hamas svaraði

Þessu greinir BBC frá.

„Hún öskraði: „Það er Hamas, það er Hamas,“ sagði önnur dóttir Ditzu, hún Neta Heiman Mina í samtali við BBC. „Systir mín var skelfingu lostin. Hún skellti á. Ég hélt ekki að þeir hefðu tekið hana. Ég hélt þeir hefðu drepið hana.“

Ditza er enn í haldi Hamas á Gasasvæðinu. Hún var tekin gísl í Nir Oz kibbútsinum þegar Hamas réðst inn. Samkvæmt ísraelskum yfirvöldum voru um 1400 manns drepnir og 240 tekin til fanga í árasinni sem hratt af stað yfirstandandi átökum.

Kibbúts er eins konar samyrkjubýli sem stofnuð voru á síðustu öld til að nema land í Palestínu. Þau eru ýmislegs eðlis en þau fyrstu voru stofnuð í upphafi 20. aldarinnar undir áhrifum sósíalískra síónista og einblíndu fyrst og fremst á landbúnað. Árið 2010 voru 270 kibbúts í Ísrael og þar bjuggu um 126 þúsund manns.

Neta segist hafa haft samband við móður sína um morguninn. Ditza hafi verið í felum og vissi ekki hvað væri að ske fyrir utan. Hún talaði seinna við einn nágranna móður sinnar sem sagðist hafa heyrt Ditzu kalla eftir aðstoð. Nágranninn hafi farið að sjá hvað væri í gangi og séð hana vera borna á brott af Hamasliðum.

Neta kennir ríkisstjórn Benjamíns Netanjahú í Ísrael um það sem núverandi ástand. „Síðastliðna níu mánuði hafa þeir gert allt til að gera ástandið verra, sérstaklega á Vesturbakkanum.“