Riðlarnir í Meistaradeildinni: Íslendingaslagur í A-riðli

Guðrún Arnardóttir skoraði er lið hennar Rosengård tryggði sæti sitt með sigri í umspilsleik í gær og dróst sænska liðið í A-riðil, líkt og Benfica frá Portúgal, sem Svava Rós Guðmundsdóttir leikur með. Þar verður því Íslendingaslagur. Evrópumeistarar Barcelona og Frankfurt eru einnig í riðlinum.

Natasha Anasi í liði Brann dróst í B-riðil með Lyon og St. Pölten sem sló Valskonur út í umspilinu um sæti í riðlakeppninni. Slavia Prag, sem sló Val út á því stigi keppninnar í fyrra, er einnig í B-riðli.

Glódís Perla Viggósdóttir og lið hennar Bayern Munchen er í C-riðlinum, líkt og Paris Saint-Germain sem Berglind Björg Þorvaldsdóttir er samningsbundin. Berglind er hins vegar í barneignarleyfi sem stendur.

Eina enska liðið sem eftir er í keppninni eru Englandsmeistarar Chelsea sem drógust í D-riðil með Real Madrid, Hacken og Paris FC.

A-riðill

Barcelona

Rosengård

Benfica

Eintracht Frankfurt

B-riðill

Lyon

Slavia Prague

St. Pölten

SK Brann

C-riðill

Bayern München

PSG

Roma

Ajax

D-riðill

Chelsea

Real Madrid

BK Häcken

Paris FC