Heimaleikurinn verðlaunaður í Malmö

Boði Logason skrifar 28. september 2023 16:47

Leikstjórar myndarinnar Logi Sigursveinsson og Smári Gunnarsson tóku við verðlaununum í Malmö á þriðjudagskvöld. Aðsend

Heimaleikurinn, í leikstjórn Smára Gunnarssonar og Loga Sigursveinssonar, hlaut Áhorfendaverðlaun Nordisk Panorama, stærstu heimildarmyndahátíð Norðurlandanna á þriðjudagskvöld.

Hátíðin var haldin ráðhúsinu í Malmö en myndin var tilnefnd í flokki bestu norrænu heimildarmyndarinnar ásamt því besta sem er að gerast á hinum Norðurlöndunum.

Verðlaun Nordisk Panorama eru önnur áhorfendarverðlaunin sem Heimaleikurinn hlýtur en hún hlaut einnig áhorfendaverðlaun á heimildamyndahátíðinni Skjaldborg. Almennar sýningar hefjast á myndinni Föstudaginn 13. október í Smárabíó og í Bíó Paradís.

Fjórar aðrar íslenskar myndir kepptu um verðlaun á Nordisk Panorama í ár. Heimildarmyndirnar Soviet Barbara, Sagan um Ragnar Kjartansson í Moskvu eftir Gauk Úlfarsson og Þegar trén koma eftir Berglindi Þrastardóttur og stuttmyndirnar Fár eftir Gunni Martinsdóttur Schlüter og Sætur eftir Önnu Karínu Lárusdóttur.

Heimaleikurinn er bráðfyndin mynd sem segir frá fljótfærni tilraun Kára Viðarssonar til að uppfylla draum föður síns; að safna í lið heimamanna til að spila langþráðan vígsluleik á fótboltavelli sem faðirinn lét byggja á Hellissandi 25 árum áður.

Kvikmyndagerð á Íslandi Kvikmyndahús Íslendingar erlendis