„Settum tóninn strax í upphafi leiks“

„Við settum tóninn strax í upphafi leiksins og slökuðum ekkert á eftir það. Við fengum líka fullt af færum fyrir utan mörkin sex og héldum hreinu þannig að við getum ekki verið annað en sáttar við þessa frammistöðu,“ sagði kona kvöldsins. 

„Það er gaman að leggja upp mörk fyrir liðsfélagana og ég held að þær hafa bara verið sáttar við mig. Það voru margir leikmenn að spila vel í þessum leik og við áttum margar góðar sóknir. Ekki bara í mörkunum. Mér leið mjög vel inni á vellinum allan leikinn,“ sagði sóknarmaðurinn létt í lundu. 

Amanda hefur skorað þrjú mörk í þeim sjö leikjum sem hún hefur spilað fyrir Val síðan hún gekk til liðs við uppeldisfélag sitt frá Kristianstad um miðjan júlímánuð fyrr í sumar.