Þing­maður leysir út lög­manns­réttindin

Sýslumaðurinn á Norðurlandi eystra hefur afhent Helgu Völu Helgadóttur Bachmann réttindi sín til málflutnings og eru þau nú virk. Þetta segir segir í auglýsingu sem birt var í Lögbirtingarblaðinu fyrir helgi.

Helga Vala hefur réttindi til málflutnings fyrir héraðsdómstólum. Hún skilaði inn réttindunum eftir að hafa verið kosin á þing árið 2017. Fyrir það rak hún eigin lögmannsstofu, Valva lögmenn. Hún er enn skráð meirihlutaeigandi samlagsfélags sama nafns.

Helga Vala vildi ekki tjá sig um málið.